📰 वारकरी कीर्तनकार परिषद समितीवर महंत उद्धव महाराज मंडलिक यांची नियुक्ती!

📰 वारकरी कीर्तनकार परिषद समितीवर महंत उद्धव महाराज मंडलिक यांची नियुक्ती!

नेवासा प्रतिनिधी– संपूर्ण महाराष्ट्रातील वारकरी कीर्तनकारांच्या परिषदेच्या आठव्या अधिवेशनाचे आयोजन रविवारी करण्यात आले असून या परिषदेच्या सुकाणू समितीवर नेवासे येथील लोणी सेवा धामचे महंत उद्धव महाराज मंडलिक यांची निवड करण्यात आली आहे. ही निवड वारकरी संप्रदायातील सशक्त सामाजिक भूमिका व कृतिशील उपक्रमांच्या माध्यमातून त्यांच्या योगदानाची दखल घेत करण्यात आली.

वारकरी संप्रदायातील ११ कीर्तनकारांची सुकाणू समिती एमआयटी वर्ल्ड पीस युनिव्हर्सिटी, पुणे यांच्यावतीने स्थापन करण्यात आली असून महंत उद्धव महाराज यांचा त्यात सन्मानपूर्वक समावेश आहे. याबाबतची माहिती एमआयटी शिक्षण संस्थेचे कार्यकारी अध्यक्ष डॉ. राहुल कराड यांनी दिली.

या परिषदेचा उद्देश वारकरी संप्रदायाच्या माध्यमातून लोकजागृती, अध्यात्मिक प्रबोधन, सामाजिक समतेचा संदेश तसेच दैनंदिन समस्यांवर उपाययोजना यावर विचारमंथन करणे हा आहे. वारकरी परंपरेच्या १२१ वर्षांच्या प्रबोधनशील वाटचालीच्या पार्श्वभूमीवर ही परिषद एक दिशा, स्वरूप, समस्या आणि आव्हाने यांचे निराकरण शोधणार आहे.

महंत उद्धव महाराज मंडलिक यांच्या निवडीबद्दल राज्यातील पालकमंत्री राधाकृष्ण विखे पाटील, कृषिमंत्री धनंजय मुंडे, माजी अध्यक्ष शालीनी विखे, माजी खासदार डॉ. सुजय विखे यांच्यासह अनेक मान्यवरांनी शुभेच्छा दिल्या आहेत. असे आमच्या प्रतिनिधींनी सांगितले