🌾 लक्षवेधी महत्त्वाची बातमी – राज्यस्तरीय बैठक अहिल्यानगर येथे! 🌾

🌾 लक्षवेधी महत्त्वाची बातमी – राज्यस्तरीय बैठक अहिल्यानगर येथे! 🌾

“शेतकरी संरक्षण व संवर्धन कायद्याचा फ्रेमवर्क” वर सखोल विचारविनिमयासाठी राज्यस्तरीय बैठक!

अहिल्यानगर (ता. नेवासा) येथे रविवार, दि. 8 जून 2025, रोजी दुपारी 2 वाजता, जनसंसद कार्यालयात एक महत्त्वपूर्ण महाराष्ट्र राज्यस्तरीय संयुक्त बैठक आयोजित करण्यात आली आहे. ही बैठक कायदे तज्ञ व कृषी वैज्ञानिक यांच्या साक्षीने शेतकऱ्यांच्या संरक्षणासाठी विधीबद्ध उपाययोजना करण्याच्या दृष्टीने ऐतिहासिक ठरणार आहे.

या बैठकीमध्ये ज्येष्ठ कायदेतज्ज्ञ व हायकोर्ट वकील अ‍ॅड. अजितराव काळे, ज्येष्ठ कृषी शास्त्रज्ञ डॉ. मुकुंदराव गायकवाड, भारतीय जन संसद महाराष्ट्र राज्य अध्यक्ष अशोकराव सब्बन, तसेच ज्येष्ठ सामाजिक कार्यकर्ते अ‍ॅड. कारभारी गवळी हे मार्गदर्शन करणार आहेत. याबाबत माहिती कृषी शास्त्रज्ञ डॉ. अशोकराव ढगे (राहुरी कृषी विद्यापीठ) यांनी दिली.

या बैठकीचा मुख्य उद्देश म्हणजे —

➡️ शेतकऱ्यांच्या सध्याच्या गंभीर परिस्थितीवर सखोल चर्चा

➡️ “शेतकरी संरक्षण व संवर्धन कायदा” चा मसुदा तयार करणे

➡️ शेतकरी आत्महत्या, कर्जबाजारीपणा, बाजारभाव अस्थिरता, विना हमी दर अशा समस्या विधीमार्गाने सोडवण्याच्या दृष्टीने कायदेशीर चौकट उभी करणे

आज समाजातील अनेक घटकांना न्याय मिळत असताना देखील शेतकऱ्यांचे प्रश्न मात्र अधिक गंभीर बनत चालले आहेत. दररोज वाढणाऱ्या आत्महत्या, अव्यवस्थित बाजार व्यवस्था, आणि शासनाच्या अपुऱ्या धोरणामुळे शेतकरी अडचणीत सापडले आहेत. त्यामुळे शेतकऱ्यांच्या हितासाठी समर्पित कायदा तयार होणे ही काळाची गरज आहे.

या पार्श्वभूमीवर कायदे पंडित, कृषी अभ्यासक, शेतकरी प्रतिनिधी आणि तज्ज्ञांनी मोठ्या संख्येने उपस्थित राहावे, आपले मौलिक विचार, सूचना मांडाव्यात आणि शेतकरी कायद्यासंबंधीची दिशा ठरवण्यात आपली भूमिका बजावावी, असे आवाहन संयोजकांनी केले आहे.

—

🗓 बैठकीची तारीख: रविवार, 8 जून 2025

🕑 वेळ: दुपारी 2 वाजता

📍 ठिकाण: जनसंसद कार्यालय, अहिल्यानगर (ता. नेवासा)

— ‘खबरनामा न्यूज

आपल्या

शेतकऱ्यांच्या हक्कासाठी!