🚨 ब्रेकिंग न्यूज | खबरनामा न्यूज पोर्टल 🚨 अवैध सावकारी प्रकरणात मोठी कारवाई

🚨 ब्रेकिंग न्यूज | खबरनामा न्यूज पोर्टल 🚨

अवैध सावकारी प्रकरणात मोठी कारवाई

कॉस मॉस बँकेच्या लॉकरमधून तब्बल १.७ कोटींचे सोन्या-चांदीचे घबाड जप्त?

जळगाव (प्रतिनिधी)जिल्ह्यातील अवैध सावकारी प्रकरणाला आता मोठे वळण मिळाले असून लाचलुचपत प्रतिबंधक विभागाने (ACB) धडक कारवाई करत कॉसमॉस बँकेतील लॉकरमधून तब्बल १ कोटी ७ लाख ४४ हजार रुपयांचे सोन्या-चांदीचे दागिने व मौल्यवान साहित्य जप्त केले आहे.

या प्रकरणात उपनिबंधक दर्जाच्या अधिकाऱ्याचे नाव समोर आल्याने प्रशासनात मोठी खळबळ उडाली आहे. जिल्ह्यात आतापर्यंतची ही सर्वात मोठी जप्ती मानली जात असून अवैध सावकारीच्या जाळ्याचा मोठा पर्दाफाश होण्याची शक्यता व्यक्त होत आहे.

ACB च्या अधिकाऱ्यांनी गुप्त माहितीच्या आधारे संबंधित लॉकरची तपासणी केली असता मोठ्या प्रमाणात सोन्याचे दागिने, चांदीचे साहित्य आणि रोख रक्कम आढळून आली. या कारवाईनंतर संबंधित अधिकाऱ्यांची चौकशी अधिक तीव्र करण्यात आली असून आर्थिक व्यवहारांची तपासणी सुरू आहे.

दरम्यान, जिल्ह्यातील अवैध सावकारी, शेतकरी व सर्वसामान्य नागरिकांची आर्थिक पिळवणूक आणि बेकायदेशीर व्यवहार यावर आता कठोर कारवाई होणार का? असा सवाल जनतेतून उपस्थित होत आहे.

⚖️ “कायद्याचा धाक निर्माण करण्यासाठी अशा कारवाया महत्त्वाच्या आहेत,” अशी प्रतिक्रिया नागरिकांमधून उमटत आहे.

📍 खबरनामा न्यूज पोर्टल

“सत्यासाठी निर्भीड आवाज”