📰 खबरनामा न्यूज | नेवासा तालुका विशेष नेवाशाचे आमदार विठ्ठलराव लंघे यांच्या कार्याचे कौतुक; जनतेकडून जाहीर आभार आणि अभिनंदन

📰 खबरनामा न्यूज | नेवासा तालुका विशेष

नेवाशाचे आमदार विठ्ठलराव लंघे यांच्या कार्याचे कौतुक; जनतेकडून जाहीर आभार आणि अभिनंदन

“तातडीची दखल, ठोस निर्णय; आमदार लंघे यांच्या कार्यशैलीची राज्यभर चर्चा”

नेवासा विधानसभा मतदारसंघाचे आमदार विठ्ठलराव लंघे यांनी अल्पावधीतच आपल्या कार्यशैलीने संपूर्ण महाराष्ट्रात वेगळी ओळख निर्माण केली असून, तालुक्यातील जनतेकडून त्यांच्या कामगिरीचे जोरदार कौतुक होत आहे.

शासनदरबारी जनतेचे प्रश्न ठामपणे आणि धडाडीने मांडणारे आमदार म्हणून त्यांची ओळख निर्माण झाली आहे. “बोलणार तेच करणार” या भूमिकेतून त्यांनी विविध अधिवेशनांमध्ये शेतकरी, ग्रामीण भाग आणि सर्वसामान्यांच्या प्रश्नांना प्रभावीपणे वाचा फोडली आहे.

अहिल्यानगरचे पालकमंत्री राधाकृष्ण विखे पाटील यांच्या मार्गदर्शनाखाली आमदार लंघे यांनी राज्यातील अनेक महत्त्वाच्या समित्यांवर काम करत नवे धोरणात्मक निर्णय पुढे आणण्याचा प्रयत्न केला आहे. विशेष म्हणजे, शासकीय असो वा नैसर्गिक आपत्तीजन्य प्रश्न—त्यावर तातडीने दखल घेऊन उपाययोजना करण्यासाठी ते सातत्याने प्रयत्नशील असल्याचे जनतेचे मत आहे.

ग्रामीण भागातील शेत, शीव आणि पाणंद रस्त्यांच्या प्रश्नावर आमदार लंघे यांनी घेतलेली ठोस भूमिका विशेष चर्चेत आहे. राज्यभरातील शेतकऱ्यांसाठी या प्रश्नावर त्यांनी उचललेले पाऊल महत्त्वाचे ठरत असल्याचे मत व्यक्त करण्यात येत आहे.

या कार्याची दखल घेत, रस्ते पीडितांच्या चळवळीतील प्रमुख नेते शरदभाऊ पवळे, दादासाहेब जंगले पाटील तसेच बाळासाहेब थोरात यांच्यासह नाथाभाऊ शिंदे, कारभारी गरड, विठ्ठलराव निर्मळ, पोपटराव शेळके, अशोकराव कचरे पाटील, कानिफनाथ कदम पाटील, प्रशांतजी चौधरी पाटील, रमेश भक्त आणि इतर कार्यकर्ते व नागरिकांनी आमदार लंघे यांचे जाहीर आभार मानले आहेत.

तालुक्यातील सर्वसामान्य नागरिकांमध्येही आमदार लंघे यांच्या कार्याची सकारात्मक चर्चा होत असून, त्यांच्या पुढील वाटचालीसाठी शुभेच्छांचा वर्षाव होत आहे.

👉 प्रतिक्रिया (मयमतकर, पाचेगाव):

“जनतेच्या प्रश्नांवर ठाम भूमिका घेणारे आणि प्रत्यक्ष काम करणारे आमदार म्हणून विठ्ठलभाऊंची ओळख निर्माण झाली आहे. त्यांच्या भविष्यातील कार्यासाठी मनःपूर्वक शुभेच्छा!”

✍️ खबरनामा न्यूज नेटवर्क

जनतेच्या प्रश्नांसाठी, सत्याच्या बाजूने