🛑 बच्चू कडू यांचा ‘रेल्वे रोको’चा इशारा; प्रशासनाची धांदल सुरू, पदयात्रेची जोरदार तयारी

🛑 बच्चू कडू यांचा ‘रेल्वे रोको’चा इशारा; प्रशासनाची धांदल सुरू, पदयात्रेची जोरदार तयारी

नागपूर | प्रतिनिधी

शेतकरी, शेतमजूर, दिव्यांग आणि सर्वसामान्यांच्या प्रश्नांवर ठाम भूमिका घेणारे प्रहार जनशक्ती पक्षाचे नेते आणि आमदार बच्चू कडू यांनी पुन्हा एकदा सरकारला झटका देणारा इशारा दिला आहे. येत्या ७ जुलैपासून १४ जुलै दरम्यान प्रहार जनशक्ती पक्षाची पदयात्रा होणार असून, ही पदयात्रा २ ऑक्टोबरच्या निर्णायक आंदोलनाची पूर्वतयारी ठरणार असल्याचे त्यांनी स्पष्ट केले.

👉 ‘रेल्वे रोको’चा इशारा

शेतकरी, मजूर व दिव्यांगांच्या न्याय्य मागण्यांकडे दुर्लक्ष केल्यास रेल्वे रोको आंदोलन करण्याचा गंभीर इशारा बच्चू कडू यांनी दिला आहे. या इशाऱ्यामुळे रेल्वे प्रशासनामध्ये खळबळ उडाली असून, वरिष्ठ अधिकारी कार्यपद्धतीच्या झाडाझडतीत व्यस्त झाले आहेत.

🗣️ “या मागण्या फक्त प्रहारच्या नाहीत, त्या जनतेच्या आहेत!”

“शासनाने वेळकाढूपणा केला, तर आंदोलन उग्र करावे लागेल. आम्ही फक्त आमच्या पक्षासाठी नव्हे तर सर्वसामान्य जनतेसाठी आंदोलन करतोय,” असे म्हणत सरकारने तातडीने निर्णय घ्यावा, अन्यथा परिणामांना तयार राहावे, असा सज्जड इशारा बच्चू कडूंनी दिला.

🗓️ निवडणूक आचारसंहिता अडथळा ठरणार नाही

स्थानिक स्वराज्य संस्थांच्या निवडणुकांच्या पार्श्वभूमीवर काही जण आचारसंहितेची अडचण सांगत होते. मात्र, “महापालिकांमध्ये अजून प्रभागरचना नाहीत, जिल्हा परिषद सर्कल ठरलेले नाहीत. त्यामुळे निवडणुका लगेच होणार नाहीत आणि आमचे आंदोलन अडकेल अशी शक्यता नाही,” असा विश्वास कडूंनी व्यक्त केला.

🗳️ ठाकरे बंधूंच्या मोर्चाला पाठिंबा

५ जुलै रोजी होणाऱ्या हिंदी सक्तीविरोधातील मोर्चाला देखील बच्चू कडूंनी पाठिंबा जाहीर केला आहे. “मनसेचे नेते बाळा नांदगावकर यांनी मला फोन करून सहभागाची विनंती केली. आम्ही ५ जुलै रोजी त्या मोर्चात सहभागी होण्याचा प्रयत्न करू,” असे त्यांनी सांगितले.

—

✍️ क्लिष्ट, पण जनतेच्या न्यायासाठीचा संघर्ष हा कायम सुरू राहील, असे संकेत बच्चू कडूंनी पुन्हा एकदा दिले आहेत.

➖

📰 खबर्नामा न्यूज | नरेंद्र पाटील काळे

📍 Newasa, Ahmednagar