📰 अकारी पीडित शेतकऱ्यांच्या लढ्याला राजभवनात चालना – राज्यपालांनी दिलं सकारात्मक आश्वासन!

📰 अकारी पीडित शेतकऱ्यांच्या लढ्याला राजभवनात चालना – राज्यपालांनी दिलं सकारात्मक आश्वासन!

मुंबई | प्रतिनिधी :

आज मुंबईतील राजभवनात अकारी पीडित शेतकऱ्यांच्या शिष्टमंडळाने महामहिम राज्यपाल मा. सी. पी. राधाकृष्णन यांची महत्वपूर्ण भेट घेतली. या शिष्टमंडळात महसूल मंत्री मा. राधाकृष्ण विखे पाटील आणि शेतकरी संघटनेचे राज्य उपाध्यक्ष अॅड. अजितदादा काळे साहेब यांचा सहभाग होता.

या बैठकीत ब्रिटिश सरकारने अन्यायाने घेतलेल्या जमिनींचा प्रश्न केंद्रस्थानी होता. अॅड. अजितदादा काळे यांनी या जमिनींचा ऐतिहासिक संदर्भ, न्यायालयीन लढा आणि शासन निर्णय सविस्तर मांडला. त्यांनी स्पष्ट केले की, या जमिनी शेतकऱ्यांना परत मिळाव्यात यासाठी दिवंगत पद्मभूषण डॉ. बाळासाहेब विखे पाटील यांच्यापासून ते आतापर्यंत अनेक प्रयत्न झाले असून, अखेर राज्य मंत्रिमंडळाने विधेयकास मान्यता दिली आहे आणि तो कायदा आता राज्यपालांच्या स्वाक्षरीसाठी सादर करण्यात आला आहे.

या मुद्द्यावर राज्यपालांनी सर्व कागदपत्रांची सखोल पडताळणी करून योग्य निर्णय घेऊ असे स्पष्ट आश्वासन दिले.

या शिष्टमंडळात अनेक संघर्षशील शेतकरी उपस्थित होते. यामध्ये गिरिधर आसने, संपतराव मुठे, सोपान नाईक, बबनराव नाईक, डॉ. दादासाहेब आदिक, डॉ. शंकर मुठे, बाळासाहेब बकाल, भाऊसाहेब बांद्रे, गोविंदराव वाघ, शरद आसने, बाबासाहेब चिडे, सुनिल आसने, सचिन वेताळ, बाबासाहेब वेताळ आदींचा समावेश होता.

शेतकऱ्यांच्या दृष्टीने ही भेट आणि राज्यपालांचे आश्वासन आशेचा किरण ठरत असून, अकारी जमीन संघर्ष लवकरच यशस्वी होण्याची शक्यता शेतकरी वर्गातून व्यक्त केली जात आहे.

📸 छायाचित्रे: राजभवनातील भेटीदरम्यान मंत्री, संघटनेचे पदाधिकारी आणि शेतकरी शिष्टमंडळ

✍️ संपादन: खबरनामा न्यूज टीम

📍 नेवासा

, अहमदनगर जिल्हा