🚨 किरीट सोमय्या यांच्या नेवासा दौऱ्याच्या पार्श्वभूमीवर पोलिसांचा रूट मार्च

🚨 किरीट सोमय्या यांच्या नेवासा दौऱ्याच्या पार्श्वभूमीवर पोलिसांचा रूट मार्च

कायदा व सुव्यवस्था अबाधित ठेवण्यासाठी नेवासा खुर्द शहरात पोलिसांचा चोख बंदोबस्त

नेवासा | प्रतिनिधी

भारतीय जनता पक्षाचे नेते किरीट सोमय्या हे उद्या रविवार, दि. ३० ऑगस्ट २०२६ रोजी नेवासा शहरातील ज्ञानेश्वर मंदिर परिसराला भेट देणार आहेत. या पार्श्वभूमीवर नेवासा पोलीस स्टेशनच्या हद्दीत कायदा व सुव्यवस्था अबाधित राहावी यासाठी पोलिस प्रशासनाने विशेष बंदोबस्ताचे नियोजन केले आहे.

या अनुषंगाने नेवासा खुर्द शहरात शुक्रवारी दि. २९ ऑगस्ट रोजी सायंकाळी ५ ते ६ वाजेच्या दरम्यान पोलिसांचा रूट मार्च काढण्यात आला.

या रूट मार्चमध्ये नेवासा पोलीस स्टेशनचे ४ पोलीस अधिकारी व २० पोलीस अंमलदार, दंगल नियंत्रण पथकातील २ इन्चार्ज व ४० पोलीस अंमलदार, राहुरी पोलीस स्टेशनचे १ पोलीस अधिकारी व ४ पोलीस अंमलदार, तसेच राज्य राखीव पोलीस दलाचे १ पोलीस अधिकारी व २५ पोलीस अंमलदार सहभागी झाले.

अशा प्रकारे एकूण ६ पोलीस अधिकारी व ८९ पोलीस अंमलदार यांच्या सहभागातून हा रूट मार्च काढण्यात आला.

🚔 शहरातील प्रमुख भागांतून रूट मार्च

पोलिसांचा रूट मार्च गणपती चौक, नगरपंचायत चौक, वाखरे चौक, कामिलशहा दर्गा, आयेशा मस्जिद, सोनार गल्ली, औदुंबर चौक आणि नाथबाबा चौक या प्रमुख परिसरातून काढण्यात आला.

आगामी दौऱ्याच्या पार्श्वभूमीवर संवेदनशील व गर्दीच्या भागांमध्ये पोलिसांची उपस्थिती वाढवून कायदा व सुव्यवस्था कायम ठेवण्याच्या दृष्टीने प्रशासनाकडून उपाययोजना करण्यात येत आहेत.

🛡️ शांतता व सुव्यवस्थेसाठी पोलिस सज्ज

नेवासा खुर्द शहरात सध्या परिस्थिती शांत असून, उद्या दि. ३० ऑगस्ट रोजी नेवासा शहरात आवश्यक तो पोलीस बंदोबस्त नियोजित करण्यात आला आहे, अशी माहिती नेवासा पोलीस स्टेशनचे पोलीस निरीक्षक प्रताप दराडे यांनी दिली.

नागरिकांनी अफवांवर विश्वास न ठेवता शांतता व कायदा-सुव्यवस्था राखण्यासाठी पोलिस प्रशासनाला सहकार्य करावे, असे आवाहनही प्रशासनाच्या वतीने करण्यात आले आहे.

— खबरनामा न्यूज पोर्टल

नेवासा | अहिल्यानगर

स्रोत : नेवासा पोलीस स्टेशन