*📰 तुटीच्या खोऱ्याचा विचार करून भंडारदर्‍याचे शिल्लक पाणी वापरात आणावे – अनिल औताडे यांची मागणी* 

*📰 तुटीच्या खोऱ्याचा विचार करून भंडारदर्‍याचे शिल्लक पाणी वापरात आणावे – अनिल औताडे यांची मागणी* 

*प्रतिनिधी – शिरजगाव* 

भंडारदरा धरणाच्या कार्यक्षेत्रात यंदा पावसाने समाधानकारक हजेरी लावलेली नसली तरी मागील वर्षी धरण पूर्ण क्षमतेने भरल्यामुळे मोठ्या प्रमाणावर ऊस लागवड झाली आहे. परिणामी, ऊस पिकासाठी पाण्याची तातडीने गरज निर्माण झाली आहे. ही गरज ओळखून *30 जून 2025* च्या आत उन्हाळी आवर्तनाचे दुसरे आवर्तन सुरू करावे, *अशी स्पष्ट मागणी शेतकरी संघटनेचे जिल्हाध्यक्ष अनिल औताडे यांनी* जलसंपदा विभागास केली आहे.

औताडे यांनी दिलेल्या प्रसिद्धीपत्रकात म्हटले आहे की, भंडारदरा व निळवंडे धरणांमध्ये एकत्रितपणे सुमारे ९ टीएमसी पाणीसाठा उपलब्ध आहे. यामध्ये मागील वर्षीच्या नियोजनामुळे चार टीएमसी पाणी शिल्लक असून, यंदा पाच टीएमसी नव्याने धरणात आले आहे. त्यामुळे धरणाची स्थिती समाधानकारक आहे.

शिल्लक असलेले चार टीएमसी पाणी जर *30 जूनच्या आत* दुसऱ्या आवर्तना साठी सोडले गेले, तर उसा सारख्या पाण्याच्या गरजूं पिकांना मोठा दिलासा मिळू शकतो, असे औताडे यांनी स्पष्ट केले.

ते पुढे म्हणाले की, जर हा निर्णय *30 जून नंतर घेतला* गेला, तर पाण्याचा वापर जायकवाडी धरणाच्या कोट्यात गणला जाईल. त्यामुळे त्या आधीच हा निर्णय घेणे अत्यावश्यक आहे. तसेच, पाऊस लवकर झाला तर हे आवर्तन गावे, तलाव, पाझर तलाव आणि टेल टॅंक भरवण्या साठी ही उपयुक्त ठरेल.

याचबरोबर नगरपालिकेच्या पिण्याच्या पाण्यासाठी *येत्या 4-6 दिवसांत आवर्तन आवश्यक असून* , त्याच नियोजनात शेतीसाठीही पाणी दिल्यास शेतकऱ्यांचा दुष्काळात होणारा संभाव्य फटका टाळता येईल, असे औताडे यांनी स्पष्ट केले.

भंडारदरा कार्यक्षेत्रातील शेतकऱ्यांच्या हितासाठी *30 जूनच्या आत आवर्तनाचा निर्णय* घेण्यात यावा आणि संबंधित ग्रामपंचायतींना पिण्याच्या पाण्याचीही हमी द्यावी, अशी मागणी त्यांनी केली.

—

*✍️ बातमीसंकलन – नरेंद्र पाटील काळे*

*मुख्य संपादक – खबरनामा न्यूज**