📰 खबरनामा न्यूज |  *जिल्हा प्रॅक्टिशनर बार असोसियेशन च्या अध्यक्षपदी एडवोकेट किशोर ढेरे तर उपाध्यक्षपदी पदी एडवोकेट अरविंद काळे व (महिला अध्यक्ष ) अँड .अंजली संतोष काळे यांची निवड;

📰 खबरनामा न्यूज |

 *जिल्हा प्रॅक्टिशनर बार असोसियेशन च्या अध्यक्षपदी एडवोकेट किशोर ढेरे तर उपाध्यक्षपदी पदी एडवोकेट अरविंद काळे व (महिला अध्यक्ष )

अँड .अंजली संतोष काळे यांची निवड;

 *वाकडी ग्रामस्थांकडून भव्य सत्कार

“गावाचा अभिमान ठरल्या अॅड. अंजली काळे; महिलांसाठी न्यायप्रबोधनाची दिशा”

 *नेवासा( प्रतिनिधी)* नेवासा तालुक्यातील वाकडी गावच्या पोलीस पाटील . अँड अंजली संतोष काळे यांची जिल्हा प्रॅक्टिशनर बार असोसिएशनच्या नेवासा तालुका उपाध्यक्षपदी (महिला अध्यक्ष ) पदी निवड झाल्याबद्दल ग्रामस्थांच्या वतीने त्यांचा भव्य सत्कार करण्यात आला.

या कार्यक्रमास ग्रामपंचायतीचे सरपंच संभाजी रामदास काळे, बंडू उर्फ तुकाराम गायकवाड (जगदंबा पाणी वापर संस्था चेअरमन), वाकडी विविध कार्यकारी सोसायटीच्या चेअरमन सौ. ज्योती अविनाश काळे, संजय पंढरीनाथ गवारे, नानासाहेब जाधव (ग्रामपंचायत सदस्य व माजी उपसरपंच), तसेच वाकडी सोसायटीचे संचालक व सचिव बंडू हिवरे, भडके भाऊसाहेब, राजू कारले, अनिल बनकर, गोशाळाचे बाबुराव काळे,दादासाहेब काळे,आदी मान्यवर उपस्थित होते. याशिवाय गावातील ज्येष्ठ नागरिक, गोशाळा कमिटी व विविध कार्यकारी सोसायटी वाकडीचे संचालक मंडळ तसेच जगदंबा पाणी वापर संस्थेची चेअरमन बंडू उर्फ तुकाराम गायकवाड व संचालक  मोठ्या संख्येने उपस्थित होते.

सत्कार सोहळ्यात उपस्थितांनी अँड. काळे यांना “गावाचा अभिमान” म्हणून गौरविले. त्यांच्या यशस्वी वाटचालीचा सन्मान करत ग्रामस्थांनी अभिमानाने त्यांचा गुणगौरव केला.

यावेळी नरेंद्र पाटील काळे यांनी आपल्या भाषणातून अॅड. अंजली काळे यांच्या कार्याचा सविस्तर आढावा मांडत हे यश संपूर्ण गावासाठी प्रेरणादायी असल्याचे नमूद केले.

सत्काराला उत्तर देताना अॅड. अंजली संतोष काळे म्हणाल्या की, “वाकडी ग्रामस्थांनी केलेला हा सत्कार माझ्यासाठी अत्यंत मोलाचा आणि प्रेरणादायी आहे. सासर आणि माहेर या दोन्ही ठिकाणी होणारा सन्मान समाजासाठीही महत्त्वाचा असतो.” त्यांनी पुढे सांगितले की, येणाऱ्या काळात त्या महिलांमध्ये कायद्याबाबत जागृती निर्माण करून गरजू मुलींना मार्गदर्शन करणार आहेत. त्यांच्या कार्यालयाचे दरवाजे महिलांसाठी सदैव खुले राहतील व गरजूनी संपर्क साधावा, असे आवाहन त्यांनी केले.

तसेच, “येणाऱ्या काळात जबाबदारी अधिक वाढली आहे. या प्रवासात श्री. संतोष काळे सर यांचे नेहमीच सहकार्य व मार्गदर्शन लाभत आहे. त्यांनी दिलेल्या मोकळीक व विश्वासाच्या जोरावर ही संधी सोन्यात रूपांतरित करत, संस्कृती जपत काम करेन,” असेही त्यांनी नमूद केले. सुसंस्कृतपणा आणि शिक्षणाचे महत्त्व अधोरेखित करत इतर गरजू महिलांनाही याचा लाभ करून देण्याचा निर्धार त्यांनी व्यक्त केला.

यावेळी संतोष काळे सर यांनी आपल्या मनोगतात सांगितले की, अँड.अंजली संतोष काळे यांनी पुढील काळात गोरगरीब जनतेसाठी काम करावे. त्यासाठी आवश्यक असणारी साधने व सुविधा उपलब्ध करून देण्यासाठी आपण प्रयत्न करणार असून, येणाऱ्या प्रत्येक व्यक्तीला समाधान मिळावे व कायद्याचे योग्य ज्ञान मिळावे हा उद्देश आहे. 

तसेच त्यांनी अपेक्षा व्यक्त केली की, अँड.काळे यांच्या कार्यातून एक आगळा-वेगळा ठसा उमटावा. “मी त्यांना नेहमीच स्वातंत्र्य दिले असून त्यांच्या जिद्दीला कधी अडथळा येऊ दिला नाही, त्यामुळेच त्या या यशाच्या शिखरापर्यंत पोहोचल्या,” असेही त्यांनी अभिमानाने नमूद केले.

कार्यक्रमाचे आभार प्रदर्शन ग्रामपंचायत सदस्य भडके भाऊसाहेब यांनी केले. उपस्थित सर्व मान्यवरांचे व ग्रामस्थांचे आभार मानत त्यांनी सत्कारमूर्तींना पुढील वाटचालीस शुभेच्छा दिल्या.

गावाच्या दृष्टीने ही बाब अत्यंत अभिमानास्पद असून, महिलांच्या सबलीकरणाच्या दिशेने उचललेले हे महत्त्वाचे पाऊल असल्याचे सर्वांनी नमूद केले.

✍️ *खबरनामा न्यूज प्रतिनिधी*