खबरनामा न्यूज | विशेष जनजागृती

शेतकऱ्यांनो सावधान! डीपी जळाली तर ४८ तासांच्या आत बदलणे महावितरणची जबाबदारी; तक्रार करा, हक्क जाणून घ्या

अहिल्यानगरसह राज्यातील अनेक शेतकऱ्यांच्या शेतातील वीज वितरणाचा डीपी (डिस्ट्रिब्युशन ट्रान्सफॉर्मर) जळाल्यानंतर दिवसन्-दिवस प्रतीक्षा करावी लागते. मात्र, महाराष्ट्र वीज नियामक आयोग (MERC) च्या सेवा मानकांनुसार ग्रामीण भागात डीपी निकामी झाल्यास तक्रार प्राप्त झाल्यानंतर ४८ तासांच्या आत वीजपुरवठा पूर्ववत करण्याची जबाबदारी महावितरणवर आहे.

शेतकऱ्यांनी डीपी जळाल्याची तक्रार तात्काळ नोंदवून तक्रार क्रमांक जतन करावा. त्यानंतरही विनाकारण विलंब होत असल्यास संबंधित अधिकारी, ग्राहक तक्रार निवारण मंच (CGRF) आणि आवश्यक असल्यास विद्युत लोकपाल यांच्याकडे दाद मागता येते.

महत्त्वाची सूचना : सेवा मानकांमध्ये विविध प्रकारच्या बिघाडांसाठी नुकसानभरपाईच्या तरतुदी आहेत. मात्र डीपी बदलण्यास झालेल्या प्रत्येक विलंबासाठी ₹५० प्रति तास नुकसानभरपाई मिळते, असा सार्वत्रिक नियम नाही. त्यामुळे दावा करताना संबंधित MERC सेवा मानके आणि प्रकरणातील पात्रता तपासूनच नुकसानभरपाईची मागणी करावी.

तक्रार कशी कराल?

• 1912
• 19120
• 1800-233-3435
• 1800-212-3435

तक्रार करताना द्या :

• ग्राहक क्रमांक
• गावाचे नाव
• डीपीचे ठिकाण
• मोबाईल क्रमांक
• डीपी जळाल्याची तारीख व वेळ

तक्रार क्रमांक (Complaint Number) घेणे विसरू नका. पुढील पाठपुराव्यासाठी तो अत्यंत महत्त्वाचा आहे.

नुकसानभरपाई व तातडीने डीपी बदलण्याबाबत अर्जाचा नमुना

प्रति,
सहाय्यक अभियंता,
महावितरण, __________ विभाग.

विषय : जळालेला कृषी डीपी तात्काळ बदलून सेवा मानकांनुसार योग्य कार्यवाही करण्याबाबत.

महोदय,

माझ्या कृषी वीज जोडणीचा डीपी दिनांक ______ रोजी जळाला असून त्याबाबत मी दिनांक ______ रोजी तक्रार क्रमांक ______ द्वारे महावितरणकडे तक्रार नोंदविली आहे.

महाराष्ट्र वीज नियामक आयोग (MERC) यांच्या Electricity Supply Code and Standards of Performance Regulations, 2021 मधील सेवा मानकांनुसार ग्रामीण भागातील डीपी निकामी झाल्यास निर्धारित कालावधीत वीजपुरवठा पूर्ववत करणे अपेक्षित आहे.

तरी माझा डीपी तातडीने बदलण्यात यावा. तसेच नियमांनुसार मी पात्र असल्यास संबंधित नुकसानभरपाई देण्यात यावी.

दिनांक : ______

अर्जदाराचे नाव : __________
पत्ता : __________
ग्राहक क्रमांक : __________
मोबाईल : __________
स्वाक्षरी : __________

“आमच्या संघटनेच्या पाठपुराव्यामुळे अनेक शेतकऱ्यांना वेळेत डीपी बदलून मिळाला आहे. त्यामुळे प्रत्येक शेतकऱ्याने आपल्या कायदेशीर हक्कांची माहिती घेऊन या सुविधेचा लाभ घ्यावा,” असे आवाहन भारतीय किसान श्रमिक जनशक्ती युनियन, महाराष्ट्र प्रदेश उपाध्यक्ष नरेंद्र पाटील काळे यांनी केले आहे.

“शेतकऱ्यांसाठी एक पाऊल पुढे… भारतीय किसान श्रमिक जनशक्ती जिकडे तिकडे!”

खबरनामा न्यूज शेतकऱ्यांच्या हक्कासाठी सदैव कटिबद्ध आहे. कायदेशीर, अचूक आणि उपयुक्त माहितीसाठी खबरनामा न्यूजसोबत जोडलेले रहा.