🏹 एकनिष्ठ शिवसैनिकांचा सन्मान : नेवासा तालुकाध्यक्ष संजय पवार यांना उपमुख्यमंत्री एकनाथ शिंदे यांच्याकडून वाढदिवसाच्या शुभेच्छा

🏹 एकनिष्ठ शिवसैनिकांचा सन्मान :

नेवासा तालुकाध्यक्ष संजय पवार यांना उपमुख्यमंत्री एकनाथ शिंदे यांच्याकडून वाढदिवसाच्या शुभेच्छा

नेवासा | प्रतिनिधी | खबरनामा न्यूज

शिवसेना (शिंदे गट) पक्षाशी एकनिष्ठ राहून संकटाच्या काळातही खंबीरपणे उभे राहणारे, ग्रामीण भागातील सर्वसामान्य कार्यकर्त्यांमध्ये आपली वेगळी ओळख निर्माण करणारे नेवासा तालुकाध्यक्ष संजय सुभाष पवार यांना माननीय शिवसेना नेते व महाराष्ट्र राज्याचे उपमुख्यमंत्री एकनाथजी शिंदे यांनी त्यांच्या वाढदिवसानिमित्त अधिकृत पत्राद्वारे मनःपूर्वक शुभेच्छा दिल्या आहेत.

उपमुख्यमंत्री एकनाथ शिंदे यांच्या मंत्रालयातून पाठविण्यात आलेल्या या शुभेच्छा पत्रात संजय पवार यांच्या सामाजिक, राजकीय व संघटनात्मक कार्याची दखल घेण्यात आली असून, त्यांच्या पुढील वाटचालीस यश, आनंद व राष्ट्रहितासाठी कार्य करण्याची प्रेरणा व्यक्त करण्यात आली आहे.

“जीवेत शरद: शतम्” अशा मंगल शब्दांतून दिलेल्या या शुभेच्छा संजय पवार यांच्यासह नेवासा तालुक्यातील शिवसैनिकांसाठी ऊर्जा देणाऱ्या ठरल्या आहेत.

🔸 संकटाच्या काळातील संकटमोचक

शिवसेनेवर अनेक राजकीय वादळे येऊन गेली, मात्र त्या प्रत्येक कठीण टप्प्यावर संजय पवार यांनी माननीय शिंदे साहेबांच्या पाठीशी खंबीरपणे उभे राहत पक्षसंघटना टिकवून ठेवली. प्रसिद्धीपासून दूर राहून, कोणताही मोठेपणा न मिरवता, पडद्यामागून पक्षाची धुरा समर्थपणे सांभाळणारा हा तरुण नेतृत्वाचा चेहरा आज विश्वासाचे प्रतिक बनला आहे.

🔸 नगरपरिषद निवडणुकीत मोलाची भूमिका

नेवासा नगरपरिषद निवडणुकीतही संजय पवार यांनी पक्षासाठी मोलाची साथ दिली. कार्यकर्त्यांचे मनोबल उंचावणे, समन्वय राखणे आणि संघटन मजबूत ठेवणे या जबाबदाऱ्या त्यांनी अत्यंत प्रामाणिकपणे पार पाडल्या. त्यामुळेच ते आज कर्तव्यदक्ष आमदार लघे साहेबांचे खंदे समर्थक म्हणूनही ओळखले जातात.

🔸 कार्यकर्त्याला सन्मान देणारा पक्ष

सामान्य कार्यकर्त्यालाही सन्मानाची वागणूक देणारा एकमेव पक्ष म्हणजे शिवसेना (धनुष्यबाण) असल्याचे या शुभेच्छा पत्रातून पुन्हा एकदा अधोरेखित झाले आहे. धनुष्यबाण हाती घेऊन अन्यायाविरोधात, रावणासारख्या दुष्ट प्रवृत्तींच्या विरोधात आवाज उठवण्याचा संकल्प घेऊन संजय पवार यांनी नेवासा तालुक्यात आपली भूमिका ठामपणे मांडली आहे.

🔸 शिवसैनिकांना प्रेरणा

उपमुख्यमंत्री एकनाथ शिंदे यांच्याकडून मिळालेल्या या शुभेच्छा केवळ वैयक्तिक सन्मान नसून, एकनिष्ठ, प्रामाणिक व निष्ठावंत शिवसैनिकांसाठी प्रेरणादायी संदेश असल्याचे बोलले जात आहे.

📌 खबरनामा न्यूज कडून

नेवासा तालुकाध्यक्ष संजय पवार यांना वाढदिवसानिमित्त

लाख लाख शुभेच्छा 💐

शिवसेना बळकट करण्यासाठी त्यांची वाटचाल अशीच यशस्वी ठरो, हीच सदिच्छा.