🏛️ पारनेर विक्रीतील गैरव्यवहाराच्या गुन्ह्याची स्थगिती उठवली…!

🏛️ पारनेर विक्रीतील गैरव्यवहाराच्या गुन्ह्याची स्थगिती उठवली…!

(अहमदनगर सत्र न्यायालयाचा ऐतिहासिक निकाल)

अहिल्यानगर / पारनेर – पारनेर तालुक्यातील देवीभोयरे येथील पारनेर सहकारी साखर कारखान्याच्या बेकायदेशीर विक्रीतून झालेल्या सुमारे 400 कोटी रुपयांच्या गैरव्यवहारा संबंधी जानेवारी महिन्यात पारनेर पोलीस ठाण्यात दाखल गुन्ह्याच्या चौकशीला मिळालेली तात्पुरती स्थगिती अहमदनगर सत्र न्यायालयाने रद्द केली आहे.

या खटल्यावर प्रधान सत्र न्यायाधीश श्रीमती अंजू शेंडे यांच्या न्यायालयाने 2 जुलै 2025 रोजी सुनावणी करून महत्त्वपूर्ण निर्णय दिला आहे.

—–

📌 प्रकरणाचा तपशील:

▪️ पारनेर साखर कारखान्याच्या विक्रीत महाराष्ट्र राज्य सहकारी बँक, मुंबई आणि क्रांती शुगर अँड पॉवर प्रा. लि. पुणे या खाजगी कंपनीच्या संचालक मंडळावर गंभीर आर्थिक गैरव्यवहार, विश्वासघात, फसवणूक, बनावट कागदपत्रांची निर्मिती यासारख्या गंभीर आरोपांखाली गुन्हा दाखल झाला होता.

▪️ पारनेर न्यायालयाने गुन्हा दाखल करण्याचे आदेश दिल्यानंतर पोलिसांनी एकूण ११ आरोपींवर एफआयआर दाखल केला होता.

▪️ यानंतर आरोपींनी या आदेशाला सत्र न्यायालयात आव्हान दिले होते आणि तात्पुरती स्थगिती मिळवली होती.

—

⚖️ सत्र न्यायालयात निकालाआधीची प्रक्रिया:

▪️ पारनेर साखर कारखाना बचाव व पुनर्जिवन समितीच्या वतीने सर्व आवश्यक पुरावे व दस्तऐवज न्यायालयात सादर करण्यात आले.

▪️ समितीच्या वकिलांनी पारनेर न्यायालयाचा निर्णय योग्य असल्याचा ठोस युक्तिवाद सादर केला.

▪️ दोन्ही बाजूंनी युक्तिवाद ऐकून सत्र न्यायालयाने पारनेर पोलीस तपासावर असलेली तात्पुरती स्थगिती उठवली.

—–

🔎 न्यायालयाच्या निरीक्षणातील महत्त्वाचे मुद्दे:

✔️ या गुन्ह्यात १७,००० शेतकरी सभासदांचे हित संबंधित आहे, त्यामुळे सखोल तपास होणे गरजेचे असल्याचे न्यायालयाने स्पष्ट केले.

✔️ पारनेर न्यायालयाने दिलेल्या निर्णयात हस्तक्षेप करण्याचे कारण नाही, असे नमूद करून सत्र न्यायालयाने तो निर्णय कायम ठेवला.

—–

👨‍⚖️ न्यायालयात बचाव समितीच्या वतीने युक्तिवाद केलेले अधिवक्ते:

▪️ अँड. प्रज्ञा तळेकर

▪️ अँड. राजेश कातोरे

▪️ अँड. अजिंक्य काळे

▪️ अँड. रामदास घावटे

—

रामदास घावटे

अध्यक्ष – कारखाना बचाव समिती

मो. 8788265227

—

सोबत

▪️ दिनांक 02.07.2025 चे सत्र न्यायालयाचे निकालपत्र