🌾 | सर्वपक्षीय शेतकरी चक्काजाम आंदोलन – २४ जुलै २०२५ 🌾

🌾 | सर्वपक्षीय शेतकरी चक्काजाम आंदोलन – २४ जुलै २०२५ 🌾

शेतकऱ्यांच्या आत्महत्येला सरकार जबाबदार – २४ जुलै रोजी महाराष्ट्रभर चक्काजाम आंदोलन!

महाराष्ट्रातील शेतकऱ्यांवरील वाढता कर्ज बोजा, उत्पादन खर्चा वरील नियंत्रण नसणे आणि हमी भावाचा अभाव यामुळे आत्महत्या हे शेतकऱ्यांचे भीषण वास्तव बनले आहे. ही शेतकरी आत्महत्या ही संपूर्ण समाजासाठी काळिमा असून त्याला सरकारची धोरणात्मक उदासीनता कारणीभूत आहे.

या पार्श्वभूमीवर माजी राज्यमंत्री व प्रहार जनशक्ती पक्षाचे संस्थापक बच्चु भाऊ कडू यांच्या नेतृत्वाखाली गेल्या अनेक महिन्यांपासून शेतकऱ्यांच्या न्याय हक्कासाठी आंदोलन सुरू आहे. मात्र, सरकारने अजूनही ठोस निर्णय न घेतल्याने २४ जुलै २०२५ रोजी राज्यभर चक्का जाम आंदोलन पुकारण्यात आले आहे.

💥 आंदोलनाला नेत्यांचा पाठिंबा

या राज्यव्यापी आंदोलनाला अहमदनगर जिल्ह्यातील माजी मंत्री बाळासाहेब थोरात, खासदार निलेश लंके, आमदार हेमंत ओगले, आमदार सत्यजित तांबे यांनी खुला पाठिंबा दिला आहे.

📍 नेवासा तालुक्यातील आंदोलनाचे ठिकाण:

नेवासा तालुक्यातील आंदोलन हे राजमुद्रा चौक, नेवासा येथे होणार असून, या आंदोलनासाठी प्रहार जनशक्ती पक्षाच्या वतीने सर्वपक्षीय संघटनांना सहभागी होण्याचे आवाहन करण्यात आले आहे.

🗣️ अधिकृत निवेदन सादर:

या आंदोलनाची अधिकृत माहिती प्रहार जिल्हाध्यक्ष माऊली सांगळे, युवा जिल्हाध्यक्ष अॅड. पांडुरंग औताडे, युवा संघटक सचिन साबळे, युवा उपाध्यक्ष अरविंद आरगडे यांनी नेवासा पोलीस ठाण्याचे निरीक्षक श्री. धनंजय जाधव यांना निवेदन देऊन दिली आहे.

🤝 आंदोलनात सहभागी होण्यासाठी आवाहन:

या आंदोलनात नेवासा तालुक्यातील सर्व शेतकरी बंधूंनी, युवकांनी आणि जनतेने मोठ्या संख्येने सहभागी व्हावे, असे आवाहन पुढील प्रमुखांनी केले आहे:

शेतकरी आर्मी प्रमुख रघुनाथ आरगडे

जिल्हा संघटक जालिंदर आरगडे

युवा जिल्हा उपाध्यक्ष संदीप पाखरे

वरिष्ठ तालुका अध्यक्ष अनिल विधाटे

तालुका उपाध्यक्ष पांडुरंग नवले

संपर्कप्रमुख आदिनाथ नवले

राजेंद्र कळसकर, दिलीप मते, आदिनाथ कडू, नागनाथ आगळे व सर्व कार्यकर्ते

👉 आंदोलनाच्या माध्यमातून सरकारला जाग येईल आणि शेतकऱ्यांसाठी तातडीने निर्णायक निर्णय घेतले जातील, अशी अपेक्षा व्यक्त करण्यात आली आहे.

📢 शेतकरी वाचवा – महाराष्ट्र वाचवा!

🛑 २४ जुलै – रस्त्यावर उतरूया, चक्काजाम करूया!

प्रहार जनशक्ती – नेवासा तालुका

✍️ प्रसिद्धीसाठी: खबरनामा न्यूज नेटवर्क

(सत्यशोधक पत्रकारितेचा आवाज)