📰  | ग्रामस्थांचा निर्धार – वाकडी येथील महाराष्ट्र बँकेची शाखा अन्यत्र हलवू नये!* 

📰  | ग्रामस्थांचा निर्धार – वाकडी येथील महाराष्ट्र बँकेची शाखा अन्यत्र हलवू नये!* 

 *धनगरवाडी (वार्ताहर):* 

राहाता तालुक्यातील महाराष्ट्र बँकेच्या वाकडी शाखेच्या स्थलांतराचा निषेध करत ग्रामस्थ, शेतकरी, व्यापारी बांधव व महिला भगिनींचा एकच निर्धार – “शाखा वाकडीतच राहिली पाहिजे!”

बँक ऑफ महाराष्ट्रच्या वाकडी शाखेचे नियोजित स्थलांतर होऊ नये, या मागणीसाठी ग्रामपंचायत कार्यालयासमोर ग्रामस्थांची व्यापक बैठक पार पडली. गाव बंद ठेवून मोठ्या संख्येने नागरिक, शेतकरी, महिला बचत गटाच्या सदस्यांनी सहभाग घेतला.

बैठकीत बँकेच्या जिल्हा डेप्युटी अधिकारी सौ. वर्षा कुल, शाखा व्यवस्थापक तनपुरे साहेब, वाकडी शाखेचे अधिकारी रोहन आहिरे हे उपस्थित होते. नागरिकांच्या तीव्र भावना ऐकून घेताना सौ. कुल मॅडम म्हणाल्या, “ग्रामस्थांच्या भावना वरिष्ठ अधिकाऱ्यांपर्यंत पोहोचवून योग्य तो निर्णय घेतला जाईल.”

परंतु नागरिकांनी यावेळी स्पष्ट शब्दांत सांगितले की, “बँक शाखा हलविल्यास तीव्र स्वरूपाचे आंदोलन उभारण्यात येईल आणि त्यास पूर्ण जबाबदार बँकेचे व्यवस्थापन राहील.”

या बैठकीत शेतकरी संघटनेचे विठ्ठलराव शेळके, सरपंच सौ. रोहिणी ताई आहेर, अण्णासाहेब कोते, भाऊसाहेब शेळके, वसंतराव लबडे, बापूसाहेब लहारे, सुनील लहारे, सुभाष कापसे, ज्योती शेळके, रवींद्र शेळके, मच्छिंद्र भवार, सौ. सुनिता शेळके, संदीप लहारे, सौ. कापसे ताई, सौ. आदमने मॅडम, बाबासाहेब शेळके, सौ. विजय शेळके, मच्छिंद्र खरात यांसह अनेक मान्यवरांनी भाषणात आपली भूमिका मांडली.

शेतकरी संघटनेचे रुपेंद्र काले यांनी ठाम शब्दात सांगितले की, “शाखा वाकडी सोडून कुठेही जाऊ नये, अन्यथा गावकरी मोठ्या स्वरूपाचा लढा उभारतील.”

बैठकीस अनिल शेळके, रमेश लहारे, अमोल शेळके, नितीन येलम, प्रमोद येलम, ज्ञानदेव शेळके, संदीप बळगट, अक्षय साबळे, बंटी गोरे, राजेश शेळके, बी.एम. लहारे, बी.एल. आहेर, महेश एलम, शंकरराव लहारे, सावळेराम आहेर, प्रमोद एलम, नारायण शेळके, आनंद आहेर, तात्यासाहेब गोरे, अनिल पांडागळे, दिलीप लहारे, गंगाधर नारंगिरे, अ‍ॅड. अतुल लहारे, दिगंबर कोते यांसह असंख्य नागरिक उपस्थित होते.

शेवटी ग्रामस्थांनी स्पष्ट इशारा दिला – “आठ दिवसांत आम्हाला लेखी निर्णय द्या, अन्यथा आम्ही रस्त्यावर उतरू. ही जबाबदारी संपूर्णतः बँकेवर असेल.”

📌 विशेष:

बैठकीदरम्यान पोलीस बंदोबस्त राखण्यात आला होता.

गावातील महिला बचत गटाच्या सर्व सदस्या, व्यापारी, ज्येष्ठ नागरिक मोठ्या संख्येने सहभागी झाले होते.

—

✍️ प्रस्तुत – खबरनामा नेटवर्क | वाकडी, राहाता तालुका

📅 दिनांक: [१.७.२०२५]