🏆 *नेवासा तालुक्याच्या भूमिपुत्राची यशस्वी वाटचाल* 

🏆 *नेवासा तालुक्याच्या भूमिपुत्राची यशस्वी वाटचाल* 

🔴 *महाराष्ट्र राज्य कबड्डी संघाच्या सराव शिबिरासाठी वेदांत विष्णू ऊंदरे यांची निवड* 

 *नेवासा | प्रतिनिधी –* *खबरनामा न्यूज* 

नेवासा तालुक्यासाठी अभिमानाची बाब ठरावी अशी आनंदाची बातमी असून, नवीन चांदगाव, तालुका नेवासा येथील होतकरू *कबड्डीपटू वेदांत विष्णू ऊंदरे यांची महाराष्ट्र राज्य कबड्डी असोसिएशन* *(संलग्न – अखिल भारतीय कबड्डी फेडरेशन, नवी दिल्ली)* यांच्या वतीने महाराष्ट्र राज्य कबड्डी संघाच्या सराव शिबिरासाठी अधिकृत निवड करण्यात आली आहे.

महाराष्ट्र राज्य कबड्डी असोसिएशनच्या कार्यालय, शिवाजी पेठ, कोल्हापूर येथून निर्गमित करण्यात आलेल्या अधिकृत पत्रानुसार, *वेदांत* *विष्णू ऊंदरे यांची निवड* राज्य संघ निवड प्रक्रियेअंतर्गत करण्यात आली असून, *हे सराव व* *मार्गदर्शन शिबिर दिनांक 12 जानेवारी 2026 ते 19 जानेवारी 2026 या* *कालावधीत* आयोजित करण्यात येणार आहे.

हे सराव शिबिर आगामी राज्य व राष्ट्रीय पातळीवरील कबड्डी स्पर्धांच्या तयारीसाठी अत्यंत महत्त्वाचे असून, निवड झालेल्या सर्व खेळाडूंनी निर्धारित वेळेत व ठिकाणी उपस्थित राहणे बंधनकारक असल्याचे पत्रात स्पष्ट करण्यात आले आहे.

पत्रातील सूचनांनुसार –

▪️ खेळाडूंनी स्वतःचे संपूर्ण क्रीडा साहित्य (कबड्डी किट) सोबत आणणे आवश्यक आहे.

▪️ शिबिराच्या कालावधीत शिस्त, वेळेचे पालन व असोसिएशनच्या नियमांचे काटेकोर पालन करणे बंधनकारक राहील.

▪️ सराव शिबिरास गैरहजर राहिल्यास किंवा नियमांचे उल्लंघन झाल्यास निवड रद्द होऊ शकते, असेही स्पष्ट नमूद करण्यात आले आहे.

▪️ ओळखपत्र, आवश्यक कागदपत्रे व फिटनेसविषयक सूचना खेळाडूंनी पाळाव्यात.

▪️ *शिबिरादरम्यान अखिल भारतीय कबड्डी फेडरेशन* तसेच महाराष्ट्र राज्य कबड्डी असोसिएशनचे सर्व नियम लागू राहतील.

ग्रामीण भागातून पुढे येत, नवीन चांदगाव (ता. नेवासा) येथील वेदांत विष्णू ऊंदरे यांनी सातत्यपूर्ण सराव, मेहनत आणि जिद्दीच्या जोरावर ही संधी मिळवली असून, त्यांच्या या निवडीमुळे नेवासा तालुक्याचे नाव राज्य पातळीवर उज्ज्वल झाले आहे.

या यशाबद्दल वेदांत यांचे कुटुंबीय, प्रशिक्षक, मित्रपरिवार तसेच तालुक्यातील क्रीडाप्रेमींनी अभिनंदनाचा वर्षाव केला आहे.

 *खबरनामान्यूज* परिवाराकडून वेदांत विष्णू ऊंदरे यांचे मनःपूर्वक अभिनंदन करण्यात येत असून, ते भविष्यात राज्य, राष्ट्रीय व आंतरराष्ट्रीय स्तरावर नेवासा तालुक्याचे नाव उंचावतील, अशी अपेक्षा व्यक्त करण्यात येत आहे.