🏭 मुळा साखर कारखाना ऊस उत्पादन वाढीसाठी ३० कोटींची योजना राबविणार

🏭 मुळा साखर कारखाना ऊस उत्पादन वाढीसाठी ३० कोटींची योजना राबविणार

माजी मंत्री शंकरराव गडाख यांची घोषणा – चालू गळीत हंगामात प्रति टन ३ हजार रुपये पेमेंटचा निर्णय

प्रतिनिधी – राहुल राजळे, सोनई

मुळा सहकारी साखर कारखान्याने सन २०२६-२७ च्या गळीत हंगामात १५ लाख टन गळीताचे उद्दिष्ट ठेवले असून त्यासाठी ऊस उत्पादन वाढविण्यासाठी ३० कोटी रुपयांची प्रोत्साहन योजना माजी मंत्री शंकरराव गडाख यांनी जाहीर केली. तसेच चालू हंगामात कार्यक्षेत्रातून गळीताला येणाऱ्या ऊसाला प्रति टन ३,००० रुपये पेमेंट देण्यात येईल, अशी महत्त्वपूर्ण घोषणा त्यांनी केली.

मुळा कारखान्याच्या ४८व्या गळीत हंगाम शुभारंभ सोहळ्यात, संस्थापक ज्येष्ठ नेते यशवंतरावजी गडाख यांच्या प्रमुख उपस्थितीत हा कार्यक्रम पार पडला.

🧑‍🌾 “शेतकऱ्यांना दिलासा देणारी योजना” – शंकरराव गडाख

आपल्या प्रमुख भाषणात गडाख म्हणाले की, “राज्य शासनाने १ नोव्हेंबरपासून साखर कारखाने सुरू करण्याचा निर्णय घेतला आहे. मुळा कारखाना देखील या तारखेपासून ८,५०० ते ९,००० टन क्षमतेने गाळप सुरू करणार आहे.”

ते पुढे म्हणाले, “या वर्षी मुळा, भंडारदरा, निळवंडे आणि जायकवाडी धरणे पूर्ण क्षमतेने भरलेली आहेत. ऊस पिकासाठी अत्यंत पोषक वातावरण आहे. याच पार्श्वभूमीवर २०२६-२७ च्या हंगामासाठी ऊस उत्पादन वाढीची ३० कोटींची योजना राबवली जाणार आहे.”

या योजनेंतर्गत:

शेतकऱ्यांना नवीन लागवडीसाठी एकरी ८,००० रुपये किमतीचे बेणे

तसेच ६,००० रुपयांचे खत उधारीवर देण्यात येणार आहे.

हे बेणे कारखान्याने निवडलेल्या बेणे प्लॉटमधूनच पुरवले जाईल.

योजनेत सहभागी होऊ इच्छिणाऱ्या शेतकऱ्यांनी आपल्या गट कार्यालयाशी संपर्क साधावा, असे आवाहन त्यांनी केले.

गडाख म्हणाले, “या हंगामात आम्ही पुरेसे मजूर भरले असून ऊस तोडणीसाठी पूर्ण तयारी आहे. कार्यक्षेत्रातील शेतकऱ्यांनी आपल्या ऊसाचे गाळप मुळा कारखान्यालाच द्यावे, हा माझा आग्रह आहे.”

🪔 कार्यक्रमाचा शुभारंभ व सन्मान सोहळा

कार्यक्रमाच्या प्रारंभी संचालक नारायणराव लोखंडे, बबनराव दरंदले, कर्मचारी आदीनाथ केदार व बापूसाहेब तांबे यांनी गव्हाणीची पूजा केली.

कार्यकारी संचालक शरद बेल्हेकर यांनी स्वागत केले.

या प्रसंगी कारखान्याच्या प्रदीर्घ सेवेतून निवृत्त झालेल्या ४० कर्मचाऱ्यांचा सन्मान करण्यात आला.

तसेच शेतकी अधिकारी विजय फाटके यांना भारतीय शुगर संस्थेमार्फत उत्कृष्ट शेतकी अधिकारी पुरस्कार मिळाल्याबद्दल सत्कार करण्यात आला.

कार्यक्रमात अध्यक्ष कडूबाळ कर्डिले, कैलास जाधव, सुभाष दरंदले, राजू आघाव, बाळकृष्ण भागवत, आश्रू सानप आदी मान्यवरांनी मनोगत व्यक्त केले.

💬 “ऊस भावात मुळा कारखाना आघाडीवर राहील” – यशवंतरावजी गडाख

ज्येष्ठ नेते यशवंतरावजी गडाख म्हणाले,

“कारखान्याने कार्यक्षेत्र वाढवले, सुधारित ऊस जातींची लागवड केली, साडेबारा टक्क्यांपर्यंत रिकव्हरी मिळवली. ऊस पेमेंटमधून ठेवी न घेता स्वभांडवल व कर्जातून प्रकल्प उभारले. आता कर्ज भार कमी होत आहे. एनसीडीसीचे कर्जही मंजूर झाले आहे.”

ते पुढे म्हणाले,

“ऊस उत्पादन वाढीची योजना शंकररावांनी जाहीर केली आहे, तिचा फायदा घ्या. थोड्याशा मोहासाठी दुसरीकडे वळू नका. ऊस भावात मुळामाजी मंत्री शंकरराव गडाख यांची घोषणा – चालू गळीत हंगामात प्रति टन ३ हजार रुपये पेमेंटचा निर्णय कारखाना कुठेही कमी पडणार नाही, हा माझा शब्द आहे.”

📸 फोटो 

मुळा सहकारी साखर कारखाना, सोनईच्या ४८व्या गळीत हंगामाचा शुभारंभ करताना माजी मंत्री शंकरराव गडाख व संचालक मंडळ सदस्य.