🗳️ नेवासा नगरपंचायत निवडणूक : मतदान यंत्र सिलिंग प्रशिक्षण यशस्वी

🗳️ नेवासा नगरपंचायत निवडणूक : मतदान यंत्र सिलिंग प्रशिक्षण यशस्वी

🏛️ तहसील कार्यालयात निवडणूक निर्णय अधिकारी सुधीर पाटील यांच्या उपस्थितीत प्रशिक्षण संपन्न

नेवासा नगरपंचायत सार्वत्रिक निवडणूक २०२५ च्या पार्श्वभूमीवर मतदान प्रक्रिया पारदर्शक व निर्भयपणे पार पाडण्यासाठी आज दि. १८ डिसेंबर २०२५ रोजी तहसील कार्यालय, नेवासा येथे मतदान यंत्र सिलिंगचे प्रशिक्षण यशस्वीपणे पार पडले.

या प्रशिक्षण कार्यक्रमाला माननीय निवडणूक निर्णय अधिकारी श्री. सुधीर पाटील (उपविभागीय अधिकारी, नगर भाग) यांनी मार्गदर्शन केले. येत्या दि. २० डिसेंबर २०२५ रोजी होणाऱ्या मतदानासाठी नेवासा नगरपंचायत क्षेत्रातील १७ मतदान केंद्रांवर मतदान प्रक्रिया राबविण्यात येणार असून, त्या अनुषंगाने हे प्रशिक्षण आयोजित करण्यात आले होते.

प्रशिक्षणादरम्यान मतदान यंत्रांची हाताळणी, सिलिंग प्रक्रिया, सुरक्षितता व निवडणूक नियमांचे काटेकोर पालन याबाबत सविस्तर माहिती देण्यात आली.

यावेळी सहाय्यक निवडणूक निर्णय अधिकारी डॉ. संजय बिरादार, नेवासा नगरपंचायत मुख्याधिकारी श्री. निखिल फराटे, गट विकास अधिकारी श्री. संजय लखवाल, निवडणूक नायब तहसीलदार श्री. पी. डी. गोसावी, विस्तार अधिकारी (कृषी) श्री. बी. ए. कसार यांच्यासह विविध अधिकारी व कर्मचारी मोठ्या संख्येने उपस्थित होते.

निवडणूक प्रक्रिया पारदर्शक, सुरक्षित व नियमबद्ध पद्धतीने पार पाडण्यासाठी हे प्रशिक्षण अत्यंत उपयुक्त ठरणार असल्याचे मत यावेळी व्यक्त करण्यात आले.

1. ✍️ — खबरनामा न्यूज

(संपादनासाठी तयार बातमी)