🚩 मराठा उपोषण मोर्चासाठी मुंबई_वाकडी ग्रामस्थांचा पुढाकार – ‘अन्नदान सेवा’ सुरू

📰 बातमी

🚩 मराठा  मोर्चासाठी वाकडी ग्रामस्थांचा पुढाकार – ‘अन्नदान सेवा’ सुरू

नेवासा (ता. नेवासा) :

मराठा समाजाच्या आरक्षणासाठी मुंबईत होणाऱ्या मराठा क्रांती मोर्चात सहभागी होणाऱ्या बांधवांसाठी वाकडी गावकऱ्यांनी उदार पुढाकार घेतला आहे. ‘सांगावा आलाय… चला मुंबई’ या घोषणेने निघालेल्या मराठा बांधवांसाठी अन्नदान सेवा आयोजित करण्यात आली आहे.

मोर्चात सहभागी होणाऱ्यां साठी भाकरी व पाण्याच्या बाटल्या उपलब्ध करून दिल्या जात असून या उपक्रमामध्ये वाकडी येथील स्वयंसेवक तरुण मंडळ व भक्त मंडळ एकत्र येऊन मुंबई येथे अन्नपुरवठा करण्यासाठी सज्ज झाले आहेत.

मनोज दादा जरांगे संघर्ष योद्धा यांच्या आव्हानाला दात देण्यासाठी गावातील महिला आणि पुरुष एकत्र येऊन अन्न दानाचे नियोजन करत आहेत. विशेष म्हणजे या उपक्रमामध्ये महिलांचा सहभाग अधिक असून पुरुषां सोबत खांद्याला खांदा लावून त्या या सेवेत पुढाकार घेत आहेत.

शिवछत्रपती शिवाजी महाराज, जिजाऊ माता व छत्रपती संभाजी महाराज यांच्या प्रेरणेने आणि ‘एक मराठा लाख मराठा’ या ब्रीद वाक्याखाली गावकऱ्यांनी ही सेवा सुरू केली आहे.

हा उपक्रम वाकडी गावच्या ऐक्याचे प्रतिक ठरत असून समाजातील तरुणाई पासून ज्येष्ठांपर्यंत सर्वांनी यात सहभाग घेतला आहे.

✍️ खबरनामान्यूज