📰 खबरनामा न्यूज | वाकडी (ता. नेवासा) वाकडी येथे भक्तिरसात न्हाऊन निघाले गाव

📰 खबरनामा न्यूज | वाकडी (ता. नेवासा)

वाकडी येथे भक्तिरसात न्हाऊन निघाले गाव

ह.भ.प. संग्राम बापू भंडारे यांच्या कीर्तनातून गोमाता, शिवछत्रपती व संत तुकारामांचा त्रिवेणी संगम उलगडला

वाकडी येथील पवित्र भूमीत, भास्करगिरी महाराज यांच्या पदस्पर्शाने पुणित झालेल्या पावन भूमीत झालेल्या ल करायचीस्थळी सकल हिंदू समाजाच्या उपस्थितीत हरिभक्तपरायण संग्राम बापू भंडारे यांनी अत्यंत ओजस्वी व भक्तिमय असे कीर्तन सादर केले. संपूर्ण परिसरात श्रीरामाच्या जयघोषाने आणि हरिनामाच्या गजराने वातावरण भारावून गेले होते.

कीर्तनामध्ये गोमातेचे आध्यात्मिक, सांस्कृतिक व सामाजिक महत्त्व विशद करताना त्यांनी गोसंवर्धनाचे कार्य हे केवळ धार्मिक नव्हे तर राष्ट्रधर्म असल्याचे ठामपणे सांगितले. वाकडी गावातील गोमाता शाळा आणि तेथे कार्यरत गोरक्षकांचे त्यांनी विशेष कौतुक केले. “गोमाता ही केवळ जनावर नाही, ती संस्कृतीची जननी आहे,” असे सांगत त्यांनी उपस्थितांना गोसेवेचे महत्त्व पटवून दिले.

संत, राजा आणि गोमाता — त्रिवेणी संगम

कीर्तनामध्ये संत तुकाराम महाराज, छत्रपती शिवाजी महाराज आणि गोमाता या त्रिवेणी संगमाचा अत्यंत प्रभावी उलगडा करण्यात आला.

संत तुकाराम महाराजांनी भक्ती, सदाचार आणि समाजप्रबोधनाचा मार्ग दाखवला.

छत्रपती शिवाजी महाराजांनी धर्मरक्षण, स्त्री-सुरक्षा व गोसंवर्धनाचे कार्य राज्यकारभारातून अधोरेखित केले.

गोमाता ही भारतीय संस्कृतीचा केंद्रबिंदू असून कृषिप्रधान व्यवस्थेची आधारस्तंभ आहे.

या तिन्ही तत्वांचा संगम म्हणजेच भक्ती, शौर्य आणि करुणा — असे प्रतिपादन करत बापूंनी समाजाला एकात्मतेचा संदेश दिला.

गोपालक आणि गोरक्षकांचे अतूट नाते

गोपालक व गोरक्षक हे केवळ पशुपालक नसून संस्कृतीचे रक्षक आहेत, असे सांगत त्यांनी या सेवकवृत्तीचा गौरव केला. समाजातील तरुण पिढीने या आदर्शांचा स्वीकार करून संस्कारयुक्त जीवन जगावे, असा संदेश त्यांनी दिला.

कीर्तनादरम्यान अनेक अभंग, ओव्या आणि ऐतिहासिक दाखल्यांच्या माध्यमातून तरुणांना राष्ट्रभक्ती, धर्मनिष्ठा व सामाजिक जबाबदारी यांचे भान दिले गेले.

कीर्तनाचे मुख्य आकर्षण – स्वर आणि तालाचा अद्वितीय संगम

या कीर्तनाचे विशेष आकर्षण म्हणजे महाराष्ट्रात ख्याती असलेले शत्रुघन महाराज पठाडे यांचे अप्रतिम मृदुंग वादन. त्यांच्या तालबद्ध वाद्याच्या गजराने संपूर्ण परिसर दुमदुमून गेला. प्रत्येक अभंगाला त्यांनी दिलेली साथ ही केवळ तालसाथ नसून भक्तिरसाला उंची देणारा सजीव स्पर्श ठरली.

स्वतः संग्राम बापूंनी त्यांच्या वादनाचे मनापासून कौतुक केले. गायक आणि वादक यांचा दुहेरी संगम आजच्या कीर्तनात अनुभवायला मिळाला. स्वर आणि ताल यांचे हे सुंदर मिलन भाविकांसाठी आध्यात्मिक पर्वणीच ठरले.

उत्कृष्ट नियोजनाची सर्वत्र चर्चा

या कार्यक्रमाचे नियोजन वाकडी गावातील किसनगिरी बाबा भक्ता मंडळ व विजय हनुमान गोशाळा कमिटी यांनी अत्यंत शिस्तबद्ध व नियोजनबद्ध पद्धतीने केले. समाजप्रबोधनासाठी विविध महाराजांच्या कीर्तनांच्या तारखा घेऊन सातत्याने धार्मिक व सांस्कृतिक उपक्रम राबविण्याचे त्यांचे कार्य कौतुकास्पद ठरत आहे.

वाकडी पंचक्रोशीत या उपक्रमाची एकमेव चर्चा असून, समाजजागृतीच्या या चळवळीमुळे गावात भक्तिमय आणि संस्कारमय वातावरण निर्माण झाल्याचे सर्वत्र बोलले जात आहे.

✍️ नरेंद्र पाटील काळे

संपादक – खबरनामा न्यूज