🔴 ब्रेकिंग न्यूज | कृषी विभागाची व्यापक तपासणी मोहीम

🔴 ब्रेकिंग न्यूज | कृषी विभागाची व्यापक तपासणी मोहीम

युरिया व खतांची वाढती मागणी; ‘लिंकिंग’ करणाऱ्या 11 कृषी निविष्ठा केंद्रांचे परवाने निलंबित

ई-पॉसवरील नोंद व गोदामातील प्रत्यक्ष साठ्यात तफावत — जिल्हास्तरीय तपासणी सुरू

अहिल्यानगर | प्रतिनिधी

सध्या युरिया व रासायनिक खतांची मागणी मोठ्या प्रमाणात वाढली असून, या पार्श्वभूमीवर काही कृषी सेवा केंद्रांकडून नियमबाह्य लिंकिंग प्रकार सुरू असल्याचे निदर्शनास आले आहे. यासह ई-पॉस प्रणालीवर दर्शविण्यात येणारा खत साठा व गोदामातील प्रत्यक्ष उपलब्ध साठा यामध्ये तफावत आढळून येत होती.

या गंभीर बाबींची दखल घेत जिल्हा अधीक्षक कृषी अधिकारी अहिल्यानगर श्री. सुधाकर बोराळे यांच्या मार्गदर्शनाखाली जिल्हास्तरीय कृषी सेवा केंद्र तपासणी मोहीम व्यापक स्वरूपात राबविण्यात येत आहे. तपासणीअंती लिंकिंग करणाऱ्या 11 कृषी निविष्ठा केंद्रांचे परवाने निलंबित करण्यात आले आहेत.

खते, बियाणे व कीटकनाशके विक्री करताना शेतकऱ्यांना अनावश्यक अटी घालणे, जबरदस्तीने इतर वस्तू खरेदीस भाग पाडणे, साठेबाजी करणे किंवा ई-पॉस प्रणालीमध्ये चुकीची नोंद करणे हे गंभीर उल्लंघन असून, अशा प्रकारांवर कठोर कारवाई केली जाईल, असा इशारा कृषी विभागाने दिला आहे.

👉 ई-पॉस व प्रत्यक्ष साठा पडताळणीवर भर

👉 जिल्हाभर अचानक तपासण्या सुरू

👉 नियमभंग करणाऱ्यांवर परवाना रद्दपर्यंत कारवाईचे संकेत

👉 शेतकऱ्यांनी तक्रारी नोंदवण्याचे आवाहन

खबरनामा न्यूज — शेतकरी हिताचा आवाज.