10 डिसेंबर मानव अधिकार दिवस डॉ. प्रतापराव दिघावकर सरांच्या प्रमुख उपस्थितीत उत्साहात संपन्न

10 डिसेंबर मानव अधिकार दिवस

डॉ. प्रतापराव दिघावकर सरांच्या प्रमुख उपस्थितीत उत्साहात संपन्न

भिवंडी (ठाणे) – भिवंडी येथील कोल्हेर भागातील साईराम फॉर्म हाऊस येथे जागतिक मानव अधिकार सुरक्षा फेडरेशनतर्फे 10 डिसेंबर मानव अधिकार दिवस मोठ्या उत्साहात व भव्यदिव्य वातावरणात साजरा करण्यात आला.

या कार्यक्रमाचे प्रमुख अतिथी माननीय डॉ. प्रतापराव रामचंद्र दिघावकर (आयपीएस), माजी विशेष पोलीस महानिरीक्षक नाशिक परिक्षेत्र व मा. सदस्य, लोकसेवा आयोग, महाराष्ट्र प्रदेश होते. त्यांच्या उपस्थितीने कार्यक्रमाला विशेष महत्त्व प्राप्त झाले.

उपस्थित झाल्यानंतर ठाणे जिल्हा कमिटी, राष्ट्रीय कमिटी व महाराष्ट्र कमिटी यांच्या वतीने डॉ. दिघावकर सरांचे जंगी स्वागत करण्यात आले.

या कार्यक्रमाचे अध्यक्षस्थानी जागतिक मानव अधिकार सुरक्षा फेडरेशनचे संस्थापक अध्यक्ष राजेंद्र आहेर होते.

डॉ. दिघावकर सरांच्या हस्ते तसेच राष्ट्रीय व राज्य कमिटीतर्फे दीपप्रज्वलन करून कार्यक्रमाची सुरुवात करण्यात आली.

पुरस्कार वितरण समारंभ

उल्लेखनीय सामाजिक कार्य करणाऱ्या मान्यवरांना डॉ. दिघावकर यांच्या शुभहस्ते गौरविण्यात आले. त्यामध्ये प्रमुखतः—

डॉ. श्रीधर अरबुने पाटील – शास्त्रज्ञ

प्रशांत आंबा पाटील – गोरक्षक समाजसेवक

सौ. कविता महेंद्र शिंदे

संतोष तुकाराम पाटील – विशेष कार्यकारी अधिकारी

महेश राजपूत – गोरक्षक

तसेच संस्थेमध्ये समाजसेवेची आवड असलेल्या नवीन पदाधिकाऱ्यांची नियुक्ती करण्यात आली.

आपल्या  नगर जिल्ह्याचे ज्येष्ठ नेते जगन्नाथ जी कोरडे साहेब यांनी पण आपले मनोगत व्यक्त केले आणि मार्गदर्शन केले.त्यांचाही सन्मान करण्यात आला उपस्थित राहिल्याबद्दल

विविध जिल्ह्यांतून मानव अधिकार संरक्षणासाठी कार्य करणारे अनेक पदाधिकारी मोठ्या संख्येने उपस्थित होते.

डॉ. दिघावकर सरांचे मार्गदर्शन

माननीय डॉ. प्रतापराव दिघावकर यांनी 45 मिनिटे प्रभावी मनोगत व्यक्त केले.

त्यांनी सर्व पदाधिकाऱ्यांना—

योग्य मार्गाने निष्ठेने सेवा करावी,

कोणावरही अन्याय होऊ देऊ नये,

मानव अधिकार संरक्षणासाठी समाजात जागृती वाढवावी,

असा मूल्यवान संदेश दिला.

त्यांनी ठाणे जिल्हा कमिटीने केलेल्या उत्कृष्ट आयोजनाचे विशेष कौतुकही केले.

कार्यक्रमात अनेक पदाधिकाऱ्यांनी आपले विचार व्यक्त केले.

समारोप राष्ट्रगीताने करण्यात आला 

10 डिसेंबर मानव अधिकार दिवस मोठ्या उत्साहात संपन्न झाला.

कार्यकारी संपादक : आर. टी. आहेर, महाराष्ट्र