💥 गोधेगावमध्ये बिबट्याचा प्राणघातक हल्ला; वनविभागाच्या निष्क्रियतेमुळे शेतकऱ्यांमध्ये भीतीचं सावट! 💥

📰 खबरनामा न्यूज – नेवासा विशेष रिपोर्ट

💥 गोधेगावमध्ये बिबट्याचा प्राणघातक हल्ला; वनविभागाच्या निष्क्रियतेमुळे शेतकऱ्यांमध्ये भीतीचं सावट! 💥

🐾 सहा महिन्यांपासून सूचना देऊनही वनविभागाची दखल नाही; शेतकरी वर्गात तीव्र संताप!

नेवासा (वार्ताहर) – नेवासा तालुक्यातील गोधेगाव येथे गाडेकर नामक शेतकऱ्यावर बिबट्याने प्राणघातक हल्ला करून ठार मारल्याची धक्कादायक घटना घडली आहे. गेल्या काही महिन्यांपासून या परिसरात बिबट्याचा वाढता वावर असून, स्थानिक शेतकऱ्यांनी वारंवार वनविभागाला लेखी आणि मौखिक सूचना दिल्यानंतरही अधिकारी व वनपालांनी कोणतीही ठोस कारवाई केली नाही, असा गंभीर आरोप शेतकरी वर्गाकडून होत आहे.

स्थानिक नागरिकांनी सांगितले की, गेल्या सहा महिन्यांपासून बिबट्याचे दर्शन वारंवार होत असून गावाजवळील शेतात पशुधनावर हल्ल्याच्या अनेक घटना घडल्या. तरीसुद्धा वनविभागाकडून ना पिंजरा लावण्यात आला, ना गस्त वाढविण्यात आली. यामुळे अखेर हा प्राणघातक हल्ला घडून आला आणि शेतकऱ्यांच्या जिवावर बेतला.

या घटनेमुळे परिसरात प्रचंड भीतीचे वातावरण निर्माण झाले आहे. शेतकऱ्यांना संध्याकाळी शेतात जाण्याची भीती वाटत असून, कापूस वेचणीसारख्या कामांवर मोठा परिणाम होत आहे.

शेतकरी विचारत आहेत —

> “आम्ही शेतात काम करायचं का, की बिबट्याच्या भीतीनं घरात बसायचं?”

दरम्यान, कोपरगाव परिसरात झालेल्या अशाच प्राणघातक घटनेची पुनरावृत्ती नेवासा तालुक्यात झाली आहे, यावरून वनविभागाच्या निष्क्रियतेचा आणि प्रशासनाच्या दुर्लक्षाचा पर्दाफाश झाला आहे.

शेतकरी वर्गाची मागणी :

👉 नेवासा तालुक्यात तातडीने बिबट्यांच्या बंदोबस्तासाठी विशेष पथक नेमावं,

👉 प्रत्येक गावात रात्रीची गस्त वाढवावी,

👉 आणि मृत शेतकऱ्याच्या कुटुंबाला तत्काळ आर्थिक मदत जाहीर करावी.

खबरनामा न्यूजच्या माध्यमातून प्रशासनाला आवाहन —

🔹 शेतकऱ्यांचा जीव हा शासनासाठी आकड्यांचा विषय नाही, तर उपजीविकेचा प्रश्न आहे.

🔹 वनविभागाने तातडीने जबाबदारी स्विकारून कारवाई करावी, अन्यथा शेतकऱ्यांचा रोष उसळू शकतो.

🦋 #नेवासा_बातमी #गोधेगाव_बिबट्या_हल्ला #शेतकरी_संकट #वनविभागाची_जबाबदारी #खबरनामा_न्यूज