🏫 खामगाव (चिकणी) येथे जि.प. शाळा खोल्यांच्या निकृष्ट बांधकामाविरोधात पंचायत समिती नेवासा येथे घंटानाद व आत्मदहन आंदोलन

🏫 खामगाव (चिकणी) येथे जि.प. शाळा खोल्यांच्या निकृष्ट बांधकामाविरोधात पंचायत समिती नेवासा येथे घंटानाद व आत्मदहन आंदोलन

नेवासा | प्रतिनिधी :

मौजे खामगाव (चिकणी), ता. नेवासा येथे जिल्हा परिषद शाळेच्या ०३ खोल्यांच्या बांधकामासाठी मंजूर ३६ लाख रुपयांचा निधी असूनही, बांधकाम सरकारी इस्टिमेटनुसार व दर्जेदार न होता होत असल्याचा आरोप करत आज पंचायत समिती नेवासा येथे घंटानाद आंदोलन व सामूहिक आत्मदहन आंदोलन करण्यात आले.

शाळेचे बांधकाम पक्के, मजबूत व विद्यार्थ्यांच्या सुरक्षिततेच्या दृष्टीने योग्य ठिकाणी व्हावे, तसेच या कामामुळे कोणत्याही ग्रामस्थांच्या मूलभूत सोयी-सुविधांवर परिणाम होऊ नये, ही आंदोलकांची प्रमुख मागणी आहे.

🔴 आंदोलनातील प्रमुख मागण्या :

1️⃣ जि.प. शाळेची एक खोली PWD १८१ प्रजिमा रस्ता व दलित वस्ती मुख्य रस्त्याच्या कॉर्नरवरील अतिक्रमित जागेत बांधली जात असून, यामुळे अपघाताची दाट शक्यता आहे. त्यामुळे सदर खोली इतर सुरक्षित जिल्हा परिषद जागेत बांधावी.

2️⃣ गट बांधकामात माती भरल्याने भविष्यात इमारत कोसळण्याची व विद्यार्थ्यांच्या जीवितास धोका निर्माण होण्याची शक्यता आहे. त्यामुळे संपूर्ण गट बांधकाम डबर-मुरुमाने भरून मजबूत करावे.

3️⃣ बांधकामासाठी क्रशऐवजी वाळूचा वापर करून दर्जेदार व पक्के बांधकाम करावे.

4️⃣ जि.प. सा.बां. उपविभाग नेवासा यांनी लेखी दिलेल्या आश्वासनानुसार काम न झाल्याने, संबंधित ०३ शाळा खोल्यांचे पेमेंट बिल मंजूर करू नये.

5️⃣ सामाजिक कार्यकर्ते श्री. सचिन काळे व श्री. अशोक सांगुळे यांच्यावर २५ हजार रुपये खंडणी मागितल्याचा खोटा आरोप शासकीय पत्राद्वारे करण्यात आल्याची सखोल खातेनिहाय चौकशी करून दोषींवर कठोर कायदेशीर कारवाई करावी.

🤝 अधिकाऱ्यांचे लेखी आश्वासन, आंदोलन स्थगित

आंदोलनावेळी नगराध्यक्ष डॉ. करणसिंह घुले  यांनी उपस्थित राहून आंदोलकांच्या समस्या जाणून घेत अधिकाऱ्यांना तातडीने उपाययोजना करण्याची विनंती केली.

यानंतर पोलीस निरीक्षक महेश पाटील, गट विकास अधिकारी संजय लखवाल व जि.प. सा.बां. उपविभागाचे उपकार्यकारी अभियंता दत्तात्रय कर्डिले यांनी

➡️ शाळा खोल्यांच्या बांधकामाची सखोल चौकशी,

➡️ बांधकाम उत्तम दर्जाचे व मजबूत करण्याची खात्री,

➡️ दलित वस्ती मुख्य रस्त्यालगतच्या अतिक्रमित जागेबाबत लेखी आश्वासनानुसार कार्यवाही,

➡️ खोटी बदनामी प्रकरणाची नियमानुसार चौकशी

आणि ५ दिवसांत ठोस उपाययोजना करण्याचे लेखी आश्वासन दिले.

या आश्वासनानंतर आज दुपारी ३:३० वाजता आंदोलन स्थगित करण्यात आले.

⚠️ इशारा :

जर दिलेल्या आश्वासनानुसार पाच दिवसांत कार्यवाही झाली नाही, तर पुढील आठवड्यात जिल्हा परिषद, अहिल्यानगर येथे बेमुदत आंदोलन छेडण्यात येईल, असा इशारा आंदोलकांनी दिला आहे.

👥 आंदोलनात उपस्थित :

सामाजिक कार्यकर्ते सचिन काळे, पोपट शेरे, गोरख शेरे, गणेश चौघुले, शिवाजी शेरे, अशोक सांगुळे, प्रभाकर घुले, अमोल शेरे, हरी लहाने, कल्याण हापसे, हरी सांगुळे, कृष्णा सांगुळे, नवनाथ पवार, बाळासाहेब शेरे यांच्यासह दलित महिला व पुरुष ग्रामस्थ मोठ्या संख्येने उपस्थित होते.

✍️ — खबरनामा न्यूज | नेवासा