🗳️ निवडणूक वार्ता | भानसहिवरा जिल्हा परिषद गटात रस्सीखेच रंगणार!* 💥💥

*🗳️ निवडणूक वार्ता | भानसहिवरा जिल्हा परिषद गटात रस्सीखेच रंगणार!* 💥💥

 *सर्वसाधारण जागा खुली झाल्याने उमेदवारीसाठी सुरु झाली चुरस!* 

 *निवडणूक वार्ता* 

भानसहिवरा जिल्हा परिषद गटातील जागा सर्वसाधारण वर्गासाठी खुली झाल्यानंतर आता दोन्ही आघाड्यांमध्ये उमेदवारीसाठी चुरशीची स्पर्धा रंगली आहे. महायुती आणि महाविकास आघाडी या दोन्ही बाजूंचे दिग्गज कार्यकर्ते चर्चेत आहेत.

🔶 महायुतीकडून संभाव्य प्रबळ दावेदार 💥

🔹 लक्ष्मणराव मोहिटे – (जिल्हा कार्यकारिणी सदस्य, भाजप)

अनेक वर्षांपासून आमदार विठ्ठलराव लंघे यांचे विश्वासू व एकनिष्ठ सहकारी म्हणून ओळख.

गेल्या दोन दशकांहून अधिक काळ भारतीय जनता पक्षाशी निष्ठा राखलेली. पक्षाच्या पडत्या काळातही संघटनेला साथ देत आंदोलने, सामाजिक उपक्रमातून कार्यकर्त्यांमध्ये लोकप्रियता मिळवलेली. गरीब आणि सर्वसामान्यांसाठी लढणारा प्रामाणिक चेहरा म्हणून ओळख निर्माण.

🔹 ज्ञानेश्वर पेचे – (जिल्हा उपाध्यक्ष, भाजप)

सुरुवातीपासून आमदार विठ्ठलराव लंघे यांच्या कार्यशैलीवर विश्वास ठेवून पक्षनिष्ठेने कार्यरत. संघटनशक्ती आणि शिस्तीने कार्य करणारा कार्यकर्ता म्हणून ओळख.

🔹 प्रताप चिंधे – (अध्यक्ष, भाजप नेवासा उत्तर मंडळ)

आमदार विठ्ठलराव लंघे खास समर्थक युतीधर्म पाळणारे धडाडीचे नेते तसेच

 भारतीय जनता पार्टीची एकनिष्ठ असलेले म्हणून त्यांची ओळख  जिल्हा परिषदेसाठी इच्छुक.

🔹 बाळासाहेब भदगले –

पालकमंत्री राधाकृष्ण विखे पाटील यांचे कौटुंबिक नातेवाईक. आमदार गडाख कुटुंबाशी देखील निकट संबंध. या पार्श्वभूमीवर त्यांचे नावही जोरदार चर्चेत.

🔹 किशोर जोजार –

पहिल्यापासून शंकरराव गडाख यांच्याशी एकनिष्ठ. मागील पंचवार्षिकेत गडाखांच्या गटातून उपसभापती पदाची संधी मिळाली.

सध्या येत्या विधानसभा निकालानंतर ते आमदार विठ्ठलराव लंघे यांच्या संपर्कात असल्याची चर्चा आहे, मात्र त्यांच्या भूमिकेबाबत प्रश्नचिन्ह अशी स्थिती असल्याचे मानले जाते.

—

🔷 महाविकास आघाडीचे संभाव्य उमेदवार 💥

🔹 जनार्दन पटारे – (माजी जिल्हा परिषद सदस्य)

पूर्वीपासूनच घुले घराण्याशी घरोबा. सध्या गडाख यांच्यासोबत सक्रिय. स्थानिक कार्यकर्त्यांमध्ये अनुभवसंपन्न आणि संघटनक्षम नेता म्हणून ओळख.

🔹 विक्रम चौधरी – (माजी पंचायत समिती सदस्य)

गडाख गटाशी एकनिष्ठ. गावपातळीवर मजबूत संघटनशक्ती आणि व्यापक जनसंपर्क यामुळे त्यांचा प्रभाव लक्षणीय.

🔹 दिलीप पवार – (माजी पंचायत समिती सदस्य)

पहिल्यापासून प्रस्थापित नेत्यांना विरोधाचा सूर ठेवणारे. मात्र विधानसभा निवडणुकीत गडाखांसोबत गेले. सध्या स्थानिक पातळीवर आपला गट बळकट करण्याच्या प्रयत्नात.

👉 गावागावात या सर्व नावांची जोरदार चर्चा सुरू असून, खबरनामा न्यूजशी संपर्क साधलेल्या अनेक गावातील प्रतिनिधींनीही या संभाव्य दावेदारांची नावे जनतेत चर्चेत असल्याचे सांगितले.

🖋️ — खबरनामा न्यूज नेटवर्क

(वार्ताहर: नरेंद्र पाटील काळे, नेवासा)