. 📌 मराठा आरक्षणासंदर्भात महत्त्वपूर्ण सुनावणी आज!

दिनांक: १८ जुलै २०२५

स्थळ: मुंबई उच्च न्यायालय, कोर्ट क्र. १३, हॉल नं. १३, वेळ: दुपारी ३:०० वा.

📌 मराठा आरक्षणासंदर्भात महत्त्वपूर्ण सुनावणी आज!

आज १८ जुलै २०२५ रोजी मराठा आरक्षण एस.ई.बी.सी. कायद्याला आव्हान देणाऱ्या विविध याचिकांवर मुंबई उच्च न्यायालयात दुपारी ३:०० वाजता सुनावणी होणार आहे. ही सुनावणी कोर्ट क्र. १३, हॉल नं. १३ येथे खंडपीठ समोर होणार आहे.

✨ खंडपीठामध्ये मा. न्यायमूर्ती रवींद्र व्ही. घुगे, मा. न्यायमूर्ती एन. जे. जमादार आणि मा. न्यायमूर्ती संदीप व्ही. मारणे यांचा समावेश आहे.

🔍 या याचिकांमध्ये मराठा आरक्षणाच्या विरोधात व समर्थनार्थ विविध अर्ज सादर करण्यात आले असून, याचिकाकर्ते म्हणून भाऊसाहेब भुजंगराव पवार, ॲड. जयश्री लक्ष्मण पाटील, सीमा श्रीगोपाल मांधा, संजित राममिलन शुक्ला, प्रथमेश उदय ढोपले आणि इतरांनी महाराष्ट्र शासन व राज्य सचिव – सामाजिक न्याय व विशेष सहाय्य विभाग यांच्याविरोधात याचिका दाखल केली आहे.

📚 मराठा समाजाच्या वतीने यामध्ये हस्तक्षेप अर्ज सादर करण्यात आला असून, आरक्षण विषयाचे ज्येष्ठ अभ्यासक डॉ. राजेंद्र दाते पाटील हे मुख्य हस्तक्षेप याचिकाकर्ते आहेत.

⚖️ त्यांच्या वतीने न्यायालयीन कामकाज ॲड. श्रेयश संजीव देशपांडे आणि ॲड. मधुर अनिल गोलेगावकर हे पाहत आहेत.

📣 ही सुनावणी मराठा समाजाच्या आरक्षणाच्या भविष्यावर परिणाम करणारी ठरू शकते. समाजाच्या प्रतिनिधित्वाचा आणि कायदेशीर मुद्द्यांचा सखोल विचार करून, डॉ. दाते पाटील यांनी मांडलेली भूमिका अत्यंत महत्त्वपूर्ण ठरणार आहे.

✍️ खबरनामा न्यूज

नरेंद्र पाटील काळे, नेवासा

www.khabarnamanews.in