📍 ठिकाण: वाकडी खंडोबाची, ता. राहाता, जि. अहमदनगर

📍 ठिकाण: वाकडी खंडोबाची, ता. राहाता, जि. अहमदनगर

📆 दिनांक: [१० जुलै २०२५]

🔶 बॅंक ऑफ महाराष्ट्र शाखा स्थलांतरास स्थगिती – गावाच्या एकतेचा विजय!

राहता ( वार्ता) वाकडी खंडोबाची येथील बॅंक ऑफ महाराष्ट्र शाखा चितळी येथे स्थलांतर करण्यास स्थगिती देण्यात आल्याने सर्व ग्रामस्थांत व समाधानाचे व उत्साहाचे वातावरण निर्माण झाले आहे. या निर्णयामागे गावकऱ्यांची एकजूट, राजकीय नेत्यांचे सहकार्य व शेतकरी संघटनेसह सर्व घटकांचा परिपूर्ण पाठिंबा ठळकपणे दिसून आला.

या लढ्याला यश मिळवून देण्यासाठी उपमुख्यमंत्री मा. अजितदादा पवार, पालकमंत्री मा. राधाकृष्ण विखे पाटील, खासदार मा. भाऊसाहेब वाकचौरे, खासदार मा. निलेश लंके, माजी महसूलमंत्री मा. बाळासाहेब थोरात, आमदार मा. अशुतोष काळे, माजी आमदार मा. स्नेहलताताई कोल्हे, शेतकरी संघटनेचे राज्य उपाध्यक्ष ॲड. अजितदादा काळे यांनी महत्त्वपूर्ण भूमिका बजावली.

गावातील ग्रामपंचायत सरपंच, उपसरपंच, सदस्य, सहकारी संस्थांचे चेअरमन, व्हाईस चेअरमन, सदस्य, सर्व राजकीय पक्षांचे स्थानिक नेते, कार्यकर्ते, व्यापारी बंधू, महिला बचत गट, वृद्ध, महिला व तरुणांनी या विषयावर एकत्र येत बॅंकेच्या दिल्ली, पुणे व नगर येथील वरिष्ठ अधिकाऱ्यांना निवेदने देऊन संघर्ष चालवला.

त्याचबरोबर गाव बंदचे आयोजन करण्यात आले होते. बॅंकेच्या वाकडी शाखेतील डेप्युटी मॅनेजर सौ. वर्षा कुल मॅडम यांच्यासमवेत बैठकीत कोणताही तोडगा निघाला नसतानाही गावकऱ्यांनी संयम बाळगून आपल्या भूमिका ठामपणे मांडल्या.

खासदार मा. भाऊसाहेब वाकचौरे यांनी शाखा व्यवस्थापक श्री. रोहन आहिरे यांच्यासमवेत चर्चा करत दिल्लीतील अर्थ खात्याच्या वरिष्ठ अधिकाऱ्यांना ई-मेलद्वारे निवेदन पाठवले. सर्वपक्षीय पाठबळामुळे अखेर बँक स्थलांतरास स्थगिती मिळाली.

याबद्दल गावकऱ्यांतून मा. उपमुख्यमंत्री, पालकमंत्री, खासदार, आमदार, माजी आमदार व सर्व नेत्यांचे मन:पूर्वक आभार मानले जात आहेत. तसेच, हे यश माध्यमांनी सातत्याने बातम्या प्रकाशित करून दिलेल्या पाठिंब्यामुळे शक्य झाले. म्हणून सर्व पत्रकार मित्रांचेही विशेष आभार.

या यशस्वी लढ्यामुळे गावातील सर्व गटतट, भेद विसरून एकत्र येऊन गावाच्या हक्कासाठी एकमुखाने लढले. याच अनुभवावरून गावातील सर्व विकासकामांसाठी, आर्थिक प्रश्नांवर उपाय शोधण्यासाठी पुढेही एकसंघ राहावे, असे प्रतिपादन शेतकरी संघटनेचे जिल्हाध्यक्ष मा. विठ्ठलराव शेळके यांनी केले. खबरनामा न्यूज वृत्त दाखल आखेर घेतली.

🌾 एकीची ही ऊर्जा गावाच्या विकासासाठी पुढेही अशीच कायम राहो, हीच अपेक्षा!

—

✍️ — वतीने:

ग्रामस्थ वाकडी खंडोबाची, तालुका राहाता, जिल्हा अहमदनगर