शिरसगाव येथे नेवासा नगरपंचायत नवनिर्वाचित पदाधिकाऱ्यांचा नागरी सत्कार

📰 शिरसगाव येथे नेवासा नगरपंचायत नवनिर्वाचित पदाधिकाऱ्यांचा नागरी सत्कार

शिरसगाव येथे नेवासा नगरपंचायत नवनिर्वाचित पदाधिकाऱ्यांचा नागरी सत्कार : नगराध्यक्ष व नगरसेवकांकडून नेवासकरांच्या अपेक्षा मोठ्या; कर्तव्यदक्ष आमदार विठ्ठलराव लंघे पाटील विकासासाठी पाठीशी

नेवासा प्रतिनिधी:-शिरसगाव येथे नेवासा नगरपंचायतचे नवनिर्वाचित नगराध्यक्ष श्री. करणसिंह घुले व सर्व नवनिर्वाचित नगरसेवकांचा आमदार श्री. विठ्ठलराव लंघे पाटील तसेच शिरसगाव ग्रामस्थांच्या वतीने मनःपूर्वक अभिनंदन व सत्कार करण्यात आला. या कार्यक्रमात नवनिर्वाचित पदाधिकाऱ्यांना पुढील यशस्वी, लोकाभिमुख व विकासकेंद्री कार्यकाळासाठी शुभेच्छा देण्यात आल्या.

यावेळी उपस्थित मान्यवरांनी स्पष्टपणे नमूद केले की, नगराध्यक्ष व नगरसेवकांकडून नेवासा शहरातील नागरिकांच्या अपेक्षा मोठ्या आहेत. नागरी सुविधा, पाणीपुरवठा, स्वच्छता, रस्ते, प्रकाश व्यवस्था, आरोग्य सुविधा तसेच नियोजनबद्ध व पारदर्शक विकास या मुद्द्यांवर नवनिर्वाचित लोकप्रतिनिधींनी प्राधान्याने काम करावे, अशी अपेक्षा व्यक्त करण्यात आली.

कर्तव्यदक्ष आमदार विठ्ठलराव लंघे पाटील यांनी यावेळी नवनिर्वाचित पदाधिकाऱ्यांना विश्वास देताना सांगितले की, नेवासा नगरपंचायतीच्या सर्वांगीण विकासासाठी मी कायम तुमच्या पाठीशी आहे. राज्याचे माननीय मुख्यमंत्री व उपमुख्यमंत्री विकासासाठी कटिबद्ध असून, नगरपंचायतीला आवश्यक निधी, योजना व शासकीय पाठबळ मिळवून देण्यासाठी सातत्याने पाठपुरावा केला जाईल, असेही त्यांनी स्पष्ट केले.

या सत्कार सोहळ्यास शिरसगाव येथील ग्रामस्थांसह नेवासा तालुक्यातील विविध सामाजिक, राजकीय व प्रशासकीय क्षेत्रातील प्रमुख मान्यवर, पदाधिकारी व कार्यकर्ते मोठ्या संख्येने उपस्थित होते. उत्साहपूर्ण वातावरणात पार पडलेल्या या कार्यक्रमातून नेवासा नगरपंचायतीच्या नव्या कार्यकाळाबाबत सकारात्मक अपेक्षा व आशावाद व्यक्त करण्यात आला.