🚨 ब्रेकिंग न्यूज “हलगर्जीपणा खपवून घेतला जाणार नाही!” – आमदार विठ्ठलराव लंघे यांचा प्रशासनाला कडक इशारा

🚨 ब्रेकिंग न्यूज

“हलगर्जीपणा खपवून घेतला जाणार नाही!” – आमदार विठ्ठलराव लंघे यांचा प्रशासनाला कडक इशारा

आढावा बैठकीत सर्व खात्यांचा जाब; दारूबंदी, पांदन रस्ते, शेतकरी प्रश्न व गुन्हेगारी प्रकरणांवर तातडीच्या कारवाईचे आदेश

आढावा बैठकीत आमदार लंघे यांची ठाम भूमिका; कामचुकारांवर कारवाई अटळ

नेवासा | प्रतिनिधी

माननीय कर्तव्यदक्ष आमदार विठ्ठलराव रावजी लंघे साहेब यांच्या मार्गदर्शनाखाली नुकतीच तालुकास्तरीय महत्वाची आढावा बैठक पार पडली. या बैठकीत महसूल, कृषी, पोलीस, आरोग्य, तहसील व इतर सर्व विभागांच्या कामकाजाचा सविस्तर आढावा घेण्यात आला.

बैठकीदरम्यान आमदार लंघे यांनी प्रशासनाला स्पष्ट शब्दांत बजावले की,

“तुम्ही माझ्याशी प्रामाणिकपणे सहकार्य करा, मी तुमच्या पाठीशी खंबीर उभा राहीन. मात्र जनतेच्या प्रश्नांमध्ये हलगर्जीपणा, कुचराई किंवा दिरंगाई सहन केली जाणार नाही. दोषी आढळल्यास त्वरित कारवाई होईल.”

🔹 जनतेच्या प्रश्नांना तात्काळ न्याय

आमदार लंघे यांनी जनतेच्या नाळेशी जोडलेले प्रश्न प्राधान्याने निकाली काढण्याचे आदेश दिले.

यामध्ये —

पांदन रस्त्यांचे प्रश्न

दारूबंदीची प्रभावी अंमलबजावणी

शेतकऱ्यांचे प्रलंबित प्रश्न

वेळेत वीजपुरवठा

प्रशासकीय कामातील दिरंगाई

या विषयांवर तातडीने निर्णय घेण्याच्या सूचना देण्यात आल्या.

🔹 कृषी व पोलीस प्रशासनाला सक्त निर्देश

कृषी अधिकाऱ्यांना शेतकरीहिताचे निर्णय त्वरित अंमलात आणण्याचे आदेश देण्यात आले.

तर पोलीस प्रशासनाला प्रलंबित गुन्हेगारी प्रकरणांचा जलद निपटारा करून जनतेला न्याय देण्याचे निर्देश देण्यात आले.

🔹 दारूबंदीवर विशेष भर

दारूबंदीबाबत आमदार लंघे यांनी विशेष लक्ष देत तहसील व गृह खात्याला स्पष्ट सांगितले —

“माझे जेवढे सहकार्य लागेल ते मी देण्यास तयार आहे, पण कारवाई झालीच पाहिजे.”

🔹 अहवाल सादर करण्याचे आदेश

प्रत्येक विभागप्रमुखांनी आपल्या खात्याचा कारभाराचा सविस्तर अहवाल सादर करावा, तसेच कामात कोणतीही हायगय खपवून घेतली जाणार नाही, असे स्पष्ट करण्यात आले. काही अधिकाऱ्यांना यावेळी थेट तंबीही देण्यात आली.

🔹 नववर्ष संदेश

बैठकीच्या शेवटी आमदार लंघे यांनी सर्व अधिकाऱ्यांना नवीन वर्षाच्या शुभेच्छा देत, येणाऱ्या काळात अधिक जबाबदारीने, जनतेच्या विश्वासाला पात्र ठरेल असे काम करण्याचे आवाहन केले.