🗳️ भेंडा गट निवडणूक वार्ता — गाव कट्ट्यांवर उमेदवारांच्या चर्चांना ऊत!

भेंडा परिसरात आगामी निवडणुकांची चाहूल लागताच गावोगावी चर्चांचा पूर आला आहे. चहाच्या टपऱ्यांपासून ते कट्ट्यांपर्यंत एकच विषय — “यावेळी कोणाला लागणार वर्णी?”

🗳️ भेंडा गट निवडणूक वार्ता — गाव कट्ट्यांवर उमेदवारांच्या चर्चांना ऊत!

(खबरनामा न्यूज प्रतिनिधी)

भेंडा परिसरात आगामी निवडणुकांची चाहूल लागताच गावोगावी चर्चांचा पूर आला आहे. चहाच्या टपऱ्यांपासून ते कट्ट्यांपर्यंत एकच विषय — “यावेळी कोणाला लागणार वर्णी?”

या गटात घुले, अभंग, नवले, मिसाळ, शिंदे या घराण्यांचा दांडगा जनसंपर्क आणि सामाजिक प्रभाव आहे. स्थानिक पातळीवर या कुटुंबांची भूमिका निर्णायक मानली जाते. त्याचबरोबर भेंड्यातील ज्ञानेश्वर सहकारी साखर कारखाना हा या भागातील एक महत्त्वाचा उद्योग समूह असून, इथूनच अनेक राजकीय सूत्रांची गुंफण होते. त्यामुळेच नेवासा तालुक्याचा राजकीय केंद्रबिंदू म्हणून भेंडा गटाची ओळख निर्माण झाली आहे.

🔹 अ‍ॅड. विश्वास सोन्याबापू काळे — (मा. जिल्हा सचिव, जिल्हा कार्यकारिणी सदस्य)

२५ वर्षांहून अधिक काळ भारतीय जनता पक्षाशी एकनिष्ठ राहून पक्षाच्या पडत्या काळातही संघटनेला साथ दिली. आमदार विठ्ठलराव लंघे यांचे विश्वासू कार्यकर्ते म्हणून ओळख. सामाजिक उपक्रमांमध्ये सक्रीय सहभाग आणि सर्वसामान्यांसाठी प्रामाणिक चेहरा म्हणून त्यांची छाप.

🔹 डॉ. कोलते — (अध्यक्ष, डॉक्टर सेल, भाजपा शिर्डी लोकसभा)

गेल्या सात-आठ वर्षांपासून भाजपा संघटनेत सक्रीय. विविध सामाजिक व जनजागृती कार्यक्रमांमध्ये सहभागामुळे कार्यकर्त्यांमध्ये आदराचे स्थान.

🔹 अजित मुरकुटे — (मा. पंचायत समिती सदस्य)

पूर्वी भाजपा कार्यकर्ता, सध्या गडाख गटाशी एकनिष्ठ. स्थानिक राजकारणात आपली स्वतंत्र ओळख निर्माण केलेले नाव.

🔹 डॉ. शिवाजी शिंदे — (मा. बाजार समिती सभापती)

गडाख गटातील प्रभावी व्यक्तिमत्व. प्रशासनिक अनुभव आणि राजकीय परिपक्वतेमुळे गटाच्या पुढाकारात त्यांचा उल्लेख वारंवार होतो.

🔹 डॉ. संतोष फुलारी — सामाजिक भान असलेले डॉक्टर, आरोग्यविषयक जनजागृती आणि शेतकरी वर्गाशी नाळ घट्ट जोडलेली.

• 🔹 गणेश गव्हाणे व सिद्धार्थ नवले — नव्या पिढीचे तरुण कार्यकर्ते, संघटनात वेगाने पुढे येणारे चेहरे.

🔹 सरपंच दादा निपुंगे — स्थानिक स्वराज संस्थेत दमदार कामगिरीमुळे चर्चेत असलेले नाव. विकासाभिमुख दृष्टिकोनामुळे मतदारांचा विश्वास मिळवलेले.

गावोगावी, कट्ट्यांवर, शेतात आणि चौकात — चर्चेचा विषय एकच :

👉 “या वेळी कोण बाजी मारणार?”

👉 “कोणाचे भविष्य जिल्हा परिषदेपर्यंत अधोरेखित होणार?”

याची उत्तरे येणाऱ्या काळातच मिळतील. मात्र एक गोष्ट निश्चित —

> “जनतेची लाडकी सेवा केलास, कार्यकर्ता एक दिवस नेता होऊ शकतो!”

—

🌾 भेंडा गट — इथलं राजकारण गावाच्या भावना, जनतेच्या विश्वास आणि सहकार चळवळीच्या बळावर उभं आहे!

📰 खबरनामा न्यूज — सत्याच्या पाठीशी, समाजाच्या बाजूने!