📰 खबरनामा न्यूज | विशेष वार्ता नेवासा नगरपंचायतीचा 2026–27 चा अर्थसंकल्प सर्वानुमते मंजूर

📰 खबरनामा न्यूज | विशेष वार्ता

नेवासा नगरपंचायतीचा 2026–27 चा अर्थसंकल्प सर्वानुमते मंजूर

करवाढ नाही; महिला, बालकल्याण व दिव्यांगांसाठी ५% निधीची तरतूद

नेवासा | दि. 25 फेब्रुवारी 2026

नेवासा नगरपंचायतीची सन 2026–2027 या आर्थिक वर्षाची अर्थसंकल्पीय सभा नगरपंचायत सभागृहात नगराध्यक्ष मा. श्री. करुणसिंह भाऊसाहेब घुले यांच्या अध्यक्षतेखाली पार पडली. नगरपरिषद अधिनियम 1965 च्या कलम 101 तसेच लेखा संहिता 2013 नुसार तयार करण्यात आलेला अर्थसंकल्प मुख्याधिकारी श्री. निखिल फराटे व नव्याने नियुक्त लेखापाल श्री. संतोष ढोले यांनी सभेसमोर सादर केला.

📊 अर्थसंकल्पातील प्रमुख आकडे

🔹 एकूण जमा: ₹ 56,70,12,359/-

🔹 एकूण खर्च: ₹ 51,99,17,976/-

🔹 शिल्लक रक्कम (31 मार्च 2027 अखेर): ₹ 4,70,94,384/-

सदर अर्थसंकल्पात कोणतीही करवाढ प्रस्तावित करण्यात आलेली नाही. सामाजिक बांधिलकी जपत महिला व बालकल्याण, दिव्यांग तसेच आर्थिकदृष्ट्या दुर्बल घटकांसाठी ५ टक्के निधीची तरतूद करण्यात आली आहे.

🏛️ कायदेशीर प्रक्रिया पूर्ण

नगरपरिषद अधिनियम 1965 च्या तरतुदीनुसार तयार करण्यात आलेला हा अर्थसंकल्प सर्वानुमते मंजूर करण्यात आला असून अंतिम मान्यतेसाठी मा. जिल्हाधिकारी, अहिल्यानगर यांच्याकडे सादर करण्यात येणार असल्याची माहिती नगराध्यक्ष व मुख्याधिकारी यांनी दिली.

👥 सभेला मान्यवरांची उपस्थिती

या बैठकीस उपाध्यक्ष मा. श्रीमती शालिनीताई संजय सुखधान, मा. श्री. जितेंद्र भाऊसाहेब कुऱ्हे यांच्यासह सर्वपक्षीय सदस्य उपस्थित होते. तसेच नगरपंचायत कार्यालय अधीक्षक श्री. सागर झावरे, सभालिपिक श्री. योगेश गवळी व इतर कर्मचारी उपस्थित होते.

📌 करवाढ न करता विकास व सामाजिक कल्याणाचा समतोल साधण्याचा प्रयत्न या अर्थसंकल्पातून दिसून येत आहे.

— नरेंद्र पाटील काळे

संपादक, खबरनामा न्यूज