💥 निघोजला व्यसनमुक्त गाव करण्याच्या संकल्पाला दारूविक्रेत्यांचाही जाहीर पाठींबा!

💥 निघोजला व्यसनमुक्त गाव करण्याच्या संकल्पाला दारूविक्रेत्यांचाही जाहीर पाठींबा!

निघोज | प्रतिनिधी

निघोज गावाला व्यसनमुक्त गाव म्हणून विकसित करण्याच्या दारूबंदी समितीच्या प्रयत्नांना आता निर्णायक वळण मिळाले आहे. गावातील अवैध दारू विक्रेत्ये आणि दारूबंदी समितीच्या पदाधिकाऱ्यांमध्ये आज महत्त्वाची बैठक पार पडली असून, या बैठकीत गावाच्या सामाजिक हितासाठी ऐतिहासिक निर्णय घेण्यात आला आहे.

दारूबंदी समितीने निघोज गाव व्यसनमुक्त करण्याचा ठाम संकल्प केल्याचे स्पष्ट करत, त्या दिशेने प्रत्यक्ष कृती सुरू असल्याची माहिती दिली. यासोबतच लवकरच या विषयावर विशेष ग्रामसभा घेण्यात यावी तसेच व्यसनमुक्त गाव पुरस्कारासाठी शासनाकडे प्रस्ताव पाठविण्यात यावा, अशी मागणी समितीमार्फत करण्यात येणार असल्याचे सांगण्यात आले.

यावेळी उपस्थित अवैध दारू विक्रेत्यांनी या उपक्रमाला संपूर्ण पाठींबा देण्याचे जाहीर आश्वासन देत,

👉 यापुढे कोणत्याही प्रकारे अवैध मार्गाने दारू विक्री करणार नाही,

👉 दारूबंदी समितीला पूर्ण सहकार्य करू,

असे स्पष्टपणे जाहीर केले.

ही महत्त्वाची बैठक दारूबंदी समितीच्या अध्यक्ष सौ. कांता लंके यांच्या प्रमुख उपस्थितीत पार पडली. गावाच्या सामाजिक स्वास्थ्यासाठी सर्व घटकांनी एकत्र येत घेतलेला हा निर्णय निघोजसाठी प्रेरणादायी ठरत असून, व्यसनमुक्त निघोज या संकल्पाला बळ देणारा ठरतो आहे.

निघोज गावासाठी हा निर्णय सामाजिक परिवर्तनाच्या दिशेने एक आशादायी पाऊल मानले जात आहे.