📌 सर्व शासकीय कार्यालयात सौरऊर्जेचा वापर सुरू करणार – मुख्यमंत्री देवेंद्र फडणवीस यांची घोषणा

📌 सर्व शासकीय कार्यालयात सौरऊर्जेचा वापर सुरू करणार – मुख्यमंत्री देवेंद्र फडणवीस यांची घोषणा

🔆 ‘महाऊर्जा’च्या नवीन प्रशासकीय इमारतीचे उद्घाटनप्रसंगी मुख्यमंत्री फडणवीस यांचे स्पष्ट प्रतिपादन

📍 पुणे | खबरनामा न्यूज प्रतिनिधी

राज्य शासनाने पर्यावरणपूरक आणि दीर्घकालीन ऊर्जा धोरणाच्या दिशेने एक महत्त्वपूर्ण पाऊल उचलले असून, सर्व शासकीय कार्यालयांमध्ये सौरऊर्जेचा वापर सक्तीने करण्यात येणार असल्याचे स्पष्ट प्रतिपादन मुख्यमंत्री देवेंद्र फडणवीस यांनी केले आहे.

‘महाऊर्जा’ च्या पुणे येथील नवीन प्रशासकीय इमारतीचे उद्घाटन करताना मुख्यमंत्री बोलत होते. ही इमारत संपूर्णपणे सौरऊर्जेवर आधारित असून, ती राज्य शासनाच्या हरित ऊर्जा व स्वच्छ ऊर्जा धोरणाचे मूर्त उदाहरण असल्याचे त्यांनी सांगितले.

मुख्यमंत्री फडणवीस म्हणाले, “ऊर्जेचा खर्च कमी करणे आणि पर्यावरणाचे संरक्षण करणे हे आपले सामूहिक कर्तव्य आहे. त्यामुळे सर्व शासकीय कार्यालयांनी सौरऊर्जेचा अवलंब करणे अनिवार्य करण्यात येणार आहे.” त्यांनी अधिकाऱ्यांना निर्देश दिले की, नव्याने उभारण्यात येणाऱ्या सर्व शासकीय इमारतींमध्ये सौर पॅनल्सची रचना बंधनकारक करावी.

🔋 ‘महाऊर्जा’च्या नवीन इमारतीची वैशिष्ट्ये:

सौरऊर्जेवर कार्यरत संपूर्ण यंत्रणा

पर्यावरणपूरक व उर्जासक्षम डिझाईन

राज्यातील इतर शासकीय प्रकल्पांसाठी अनुकरणीय मॉडेल

मुख्यमंत्री देवेंद्र फडणवीस यांच्या या निर्णयामुळे राज्यातील उर्जा वापराच्या पद्धतीत मोठा बदल अपेक्षित असून, शासकीय वीजबिलांमध्ये लक्षणीय बचत होईल, असे सांगण्यात येत आहे.

🟢 खबरनामा न्यूज आवाहन करते की, स्थानिक स्वराज्य संस्था, ग्रामपंचायती व पंचायत समित्यांनीही या उपक्रमातून प्रेरणा घेऊन सौरऊर्जेच्या दिशेने पावले टाकावीत.

—

✍️ बातमी: नरेंद्र पाटील काळे – खबरनामा न्यूज, नेवासा.