🌳 आमदार विठ्ठलराव लंघे यांच्या वाढदिवसानिमित्त वृक्षारोपण सप्ताहाचा शुभारंभ

🌳 आमदार विठ्ठलराव लंघे यांच्या वाढदिवसानिमित्त वृक्षारोपण सप्ताहाचा शुभारंभ

‘गाव तेथे झाड’ उपक्रमाची बालाजी देडगावातून उत्साहात सुरुवात; ग्रामस्थ, ज्येष्ठ नागरिक, तरुण व पत्रकारांचा उत्स्फूर्त सहभाग

बालाजी देडगाव | प्रतिनिधी

नेवासा तालुक्याचे कार्यधुरंधर व लोकाभिमुख आमदार विठ्ठलराव लंघे यांच्या वाढदिवसानिमित्त 26 जून ते 2 जुलै या कालावधीत वृक्षारोपण सप्ताहाचे आयोजन करण्यात आले आहे. पर्यावरण संवर्धनाचा संदेश देणाऱ्या “गाव तेथे झाड” या उपक्रमाचा शुभारंभ आज नेवासा तालुक्यातील बालाजी देडगाव येथे उत्साहपूर्ण वातावरणात करण्यात आला.

या उपक्रमात गावातील ज्येष्ठ नागरिक, प्रतिष्ठित व्यक्ती, युवक, सामाजिक कार्यकर्ते तसेच पत्रकार बांधवांनी मोठ्या संख्येने सहभाग नोंदवत वृक्षारोपण केले. पर्यावरण संरक्षण ही काळाची गरज असून प्रत्येक नागरिकाने किमान एक झाड लावून त्याचे संगोपन करण्याचा संकल्प करावा, असा संदेश या उपक्रमातून देण्यात आला.

आमदार विठ्ठलराव लंघे यांच्या वाढदिवसानिमित्त आयोजित करण्यात आलेला हा वृक्षारोपण सप्ताह संपूर्ण नेवासा तालुक्यात राबविण्यात येणार असून विविध गावांमध्ये मोठ्या प्रमाणावर वृक्षारोपण करून हरित नेवासा घडविण्याचा संकल्प करण्यात आला आहे.

— खबरनामा न्यूज