🚩 नेवासा तालुक्याचा गौरव

🚩 नेवासा तालुक्याचा गौरव

मा. कडूभाऊ काळे यांना प्रतिष्ठेचा ‘यशवंतराव चव्हाण सहकार गौरव पुरस्कार’ प्रदान

फलटण / नेवासा (प्रतिनिधी):

महाराष्ट्र साहित्य परिषद (पुणे) फलटण शाखा आणि श्री सद्गुरू प्रतिष्ठान यांच्या संयुक्त विद्यमाने आयोजित ३० व्या विभागीय मराठी साहित्य संमेलनात नेवासा तालुक्याचे सुपुत्र आणि सहकार क्षेत्रातील ऋषीतुल्य व्यक्तिमत्त्व मा. श्री. कडूभाऊ छगन काळे (संस्थापक – नागेबाबा उद्योग समूह) यांना ‘स्व. यशवंतराव चव्हाण सहकार गौरव पुरस्कार’ देऊन विशेष सन्मानित करण्यात आले.

फलटण येथील महाराजा मंगल कार्यालयात दिमाखात पार पडलेल्या या सोहळ्यात साहित्य क्षेत्रासोबतच सहकार क्षेत्रातील त्यांच्या उल्लेखनीय योगदानाचा यथोचित गौरव करण्यात आला.

✨ दिग्गजांच्या उपस्थितीत सोहळा संपन्न

हा प्रतिष्ठेचा पुरस्कार ९९ व्या अखिल भारतीय मराठी साहित्य संमेलनाचे अध्यक्ष मा. श्री. विश्वास पाटील यांच्या हस्ते, तर संमेलनाध्यक्ष ह.भ.प. सुरेश महाराज सुळ यांच्या प्रमुख उपस्थितीत प्रदान करण्यात आला.

यावेळी अखिल भारतीय मराठी साहित्य महामंडळाचे अध्यक्ष प्रा. मिलिंद जोशी, कार्यवाह सुनिताराजे पवार, कोषाध्यक्ष विनोद कुलकर्णी यांच्यासह अनेक मान्यवर साहित्यिक, विचारवंत व सहकार क्षेत्रातील दिग्गज उपस्थित होते.

🤝 नेवासा तालुक्यातील मान्यवरांची उपस्थिती

या गौरव सोहळ्यासाठी नेवासा तालुका व परिसरातील मान्यवरांनी आवर्जून उपस्थिती लावली होती. यामध्ये डॉ. शिवाजी शिंदे, सुनील भाऊ गव्हाणे, राजूभाऊ चिंधे, अजित रसाळ, अवधूत लोहकरे, आबासाहेब काळे, बिडी दादा गायकवाड, संजय पाटील नवले तसेच सुरज दुर्गेश यांचा समावेश होता. सर्व मान्यवरांनी कडूभाऊ काळे यांच्या सामाजिक व सहकार क्षेत्रातील कार्याचा गौरव करत त्यांना पुढील वाटचालीस शुभेच्छा दिल्या.

🌱 कडूभाऊ काळे : सहकार आणि सेवेचा आदर्श प्रवास

हा पुरस्कार केवळ एका व्यक्तीचा सन्मान नसून, नेवासा तालुक्यातून उभ्या राहिलेल्या सहकार चळवळीच्या सेवायज्ञाची पोचपावती आहे.

🔹 नागेबाबा मल्टिस्टेटचे यश:

एका छोट्याशा पतसंस्थेपासून सुरू झालेला प्रवास आज सक्षम व विश्वासार्ह मल्टिस्टेट संस्थेपर्यंत नेण्याचे कार्य कडूभाऊ काळे यांनी प्रामाणिकपणा व पारदर्शकतेच्या जोरावर केले.

🔹 रुग्णसेवा हाच धर्म:

अहमदनगर शहरातील विविध रुग्णालयांमध्ये रुग्ण व त्यांच्या नातेवाईकांना मोफत व सकस भोजन पुरविणारी अग्रगण्य संस्था म्हणून नागेबाबा समूहाची ओळख आहे.

🔹 सभासदांचे सुरक्षा कवच:

प्रत्येक सभासदाला विमा संरक्षण देणारी ही पहिलीच अर्थसंस्था असून, आज ती बँकेच्या तोडीचे विश्वासार्ह कामकाज करत आहे.

🔹 ग्रामीण परिवर्तन:

सहकाराच्या माध्यमातून हजारो हातांना रोजगार उपलब्ध करून देत ग्रामीण भागाच्या आर्थिक सक्षमीकरणात मोलाचे योगदान.

🎉 नेवासा तालुक्यात आनंदाचे वातावरण

मा. कडूभाऊ काळे यांना मिळालेल्या या प्रतिष्ठेच्या पुरस्कारामुळे संपूर्ण नेवासा तालुक्याच्या शिरपेचात मानाचा तुरा रोवला गेला आहे. राजकीय, सामाजिक व सहकार क्षेत्रातून त्यांच्यावर अभिनंदनाचा वर्षाव होत आहे.

ग्रामीण भागातील सर्वसामान्यांचे संसार उभे करणाऱ्या या ‘सेवापुरुषा’चा सन्मान हा समस्त नेवासावासीयांसाठी अभिमानाचा क्षण ठरला आहे.

✍️ खबरनामा न्यूज

मा. कडूभाऊ काळे यांना पुढील वाटचालीस कोटी-कोटी शुभेच्छा व मनःपूर्वक सलाम!