📢 भजन मंडळांना सरकारकडून २५ हजारांचे अनुदान – पण शेतकरी कर्ज मुक्तीचं काय?

📢 भजन मंडळांना सरकारकडून २५ हजारांचे अनुदान – पण शेतकरी कर्जमुक्तीचं काय?

मुंबई –

यंदा राज्य सरकारने गणेशोत्सवाला महोत्सवाचा दर्जा देत सांस्कृतिक उपक्रमांना प्रोत्साहन दिलं आहे. त्याचाच एक भाग म्हणून २,८०० भजन मंडळांना भजन साहित्य खरेदीसाठी प्रत्येकी ₹२५,००० चे भांडवली अनुदान वितरित केलं जाणार आहे. सांस्कृतिक कार्यमंत्री अ‍ॅड. आशीष शेलार यांनी ही माहिती दिली.

📌 ऑनलाईन अर्ज सुरू

शनिवार, २३ ऑगस्टपासून अर्ज प्रक्रिया सुरू झाली असून ६ सप्टेंबर २०२५ पर्यंत अर्ज करता येणार आहेत. अर्ज https://mahaanudan.org या संकेतस्थळावर करता येतील.

🟩 संपादकीय चौकट : मायबाप सरकार जागे व्हा!

भजन मंडळांना अनुदान ही नक्कीच स्वागतार्ह योजना आहे. महाराष्ट्रातील सांस्कृतिक परंपरा टिकवण्यासाठी शासनाने पाऊल उचललं हे चांगलं आहे. पण प्रश्न असा आहे की – भजन मंडळांना २५ हजारांचा निधी देता, मग शेतकरी कर्ज मुक्तीसाठी निधी कुठे आहे?

आज राज्यातील शेतकरी आत्महत्येच्या विळख्यात सापडले आहेत. दररोज कर्जबाजारीपणामुळे जीव देणाऱ्या शेतकऱ्यांच्या बातम्या समोर येतात. जर सरकारने खरोखर जनतेचे भजन ऐकायचे असेल तर शेतकऱ्यांना कर्ज मुक्तीचा ठोस निर्णय घ्यावा लागेल.

🙏 “भजन तर आम्ही करणारच आहोत, पण जर तुम्ही कर्जमुक्ती केलीत तर आम्ही तुमचं भजन करून प्रचार करू!” – अशी भावना शेतकरी व ग्रामीण भागातील मंडळींमध्ये व्यक्त होत आहे.

👉 खबरनामा न्यूजचा स्पष्ट संदेश :

सांस्कृतिक परंपरा जपा, पण शेतकरी वंचित ठेवू नका. कर्जमुक्ती हा निर्णय न घेतल्यास शासनाचे हे भजन अर्धवटच ठरेल!