🌾 कापूस उत्पादक शेतकऱ्यांसाठी महत्वाचे आवाहन!

📰 खबरनामान्यूज – प्रेस नोट

🌾 कापूस उत्पादक शेतकऱ्यांसाठी महत्वाचे आवाहन!

कृषी उत्पन्न बाजार समिती, नेवासा, जि. अहिल्यानगर

नेवासा तालुक्यातील सर्व कापूस उत्पादक शेतकऱ्यांना सूचित करण्यात येते की, भारतीय कापूस निगम लिमिटेड (CCI) मार्फत कापूस खरेदीची प्रक्रिया या वर्षी कृषी उत्पन्न बाजार समिती, नेवासा येथे सुरू होणार आहे.

या खरेदीसाठी शेतकऱ्यांची ऑनलाईन नोंदणी प्रक्रिया दिनांक ०९/१०/२०२५ (गुरुवार) पासून सुरू होणार असून, शेतकऱ्यांनी स्वतः नोंदणी करणे आवश्यक आहे.

नोंदणीसाठी “Kapas Kisan” (कापस किसान) हे मोबाईल ॲप वापरावे लागणार आहे.

📱 नोंदणी कशी करावी :

1️⃣ आपल्या मोबाईलमधील Google Play Store वरून Kapas Kisan हे ॲप डाउनलोड करा.

2️⃣ नोंदणी करताना आधार क्रमांकानुसार सर्व माहिती अचूक भरा.

3️⃣ नोंदणीसाठी आवश्यक कागदपत्रे खालीलप्रमाणे –

जमिनीचा 7/12 उतारा,

आधार कार्ड,

बँक पासबुक,

चालू वर्षाचा पीक पॅटर्न,

शेतकऱ्याचा मोबाईल नंबर,

पासपोर्ट साईझ फोटो.

4️⃣ ॲपमध्ये भरलेली सर्व माहिती बरोबर असल्याची खात्री करून कागदपत्रांचे फोटो अपलोड करणे आवश्यक आहे.

5️⃣ नोंदणी प्रक्रिया शेतकऱ्यांनी स्वतःच्या मोबाईलवरून करणे अपेक्षित आहे.

🗓️ नोंदणीसाठी कालावधी :

नोंदणी दिनांक ०९/१०/२०२५ ते ३०/१०/२०२५ या कालावधीतच ऑनलाईन करता येईल.

या कालावधीनंतर नोंदणी स्वीकारली जाणार नाही.

📍 अधिक माहितीसाठी संपर्क साधा :

कृषी उत्पन्न बाजार समिती, नेवासा

🔸 श्री. नानासाहेब सोळुंके – सभापती

🔸 श्री. देवदत्त रघुनाथ पालवे – सचि

⚠️ शेतकऱ्यांसाठी विशेष सावधानता चौकट :

🟥 ‼️ शेतकऱ्यांनी आपला कापूस ३,००० ते ४,००० रुपयांत विकू नये ‼️

➡️ सध्या काही व्यापारी कमी दराने कापूस खरेदी करत आहेत.

➡️ नेवासा येथील CCI खरेदी केंद्र लवकरच सुरू होणार असून, त्याद्वारे कापसाला योग्य दर मिळेल.

➡️ व्यापाऱ्यांकडून आत्ता विकलेला कापूस हाच नंतर अधिक दराने पुन्हा CCI केंद्रावर येणार आहे.

➡️ त्यामुळे घाई न करता आपला कापूस थेट अधिकृत खरेदी केंद्रावर जमा करा.

➡️ सतर्क राहा आणि योग्य भावातच कापूस विक्री करा!

 

🟩 “कृषी उत्पन्न बाजार समिती, नेवासा” द्वारे शेतकऱ्यांच्या हितासाठी अधिकृत खरेदी केंद्र लवकरच सुरू होत आहे.

🟨 खबरनामा न्यूज शेतकऱ्यांच्या हक्कासाठी सजग! 🌾

 

📢 शेतकऱ्यांसाठी अंतिम आवाहन:

कापूस विक्रीसाठी ऑनलाईन नोंदणी वेळेत पूर्ण करा.

CCI खरेदी प्रक्रियेत सहभागी होण्यासाठी नोंदणी बंधनकारक आहे.

✍️ – खबरनामा न्यूज प्रतिनिधी

(जनहितार्थ प्रसिद्ध)