🚜🍌 बुरहानपूर केळी उत्पादक शेतकऱ्यांचा मोठा विजय – ३ महत्त्वाच्या मागण्या मान्य

🚜🍌 बुरहानपूर केळी उत्पादक शेतकऱ्यांचा मोठा विजय – ३ महत्त्वाच्या मागण्या मान्य

गाड्या थेट मंडी बोर्डवर, हमालीतून शेतकऱ्यांची सुटका आणि केळीचा ऑनलाईन लिलाव सुरू – मेहनत, चिकाटी आणि एकजुटीला मिळाले यश

बुरहानपूर (म.प्र.) :

केळी उत्पादक किसान संघटन, जिल्हा बुरहानपूर तसेच सर्व शेतकरी बांधवांच्या अथक प्रयत्नांना अखेर यश मिळाले आहे. दीर्घकाळ प्रलंबित असलेल्या तीन महत्त्वाच्या मागण्या शासन व मंडी प्रशासनाने मान्य केल्या आहेत. यामुळे केळी उत्पादक शेतकऱ्यांमध्ये उत्साह आणि आनंदाचे वातावरण पसरले आहे.

या लढ्यात मा. राहुल बच्छाव यांच्या नेतृत्वाखाली महाराष्ट्र केळी उत्पादक संघ शेतकऱ्यांच्या सोबत उभा राहणार. संघटनेच्या पाठबळामुळे व शेतकऱ्यांच्या एकजुटीमुळे हे महाराष्ट्रातील शेतकऱ्यांची पण प्रश्न मार्गी लावणार अशी त्यांनी सांगितले

✨ शेतकऱ्यांच्या विजयाच्या ३ मागण्या पूर्ण :

✅ सर्व गाड्या थेट मंडी बोर्डवरच लावल्या जाणार.

✅ शेतकऱ्यांना हमाली चे कोणतेही शुल्क द्यावे लागणार नाही.

✅ केळीची लिलाव प्रक्रिया पूर्णपणे ऑनलाईन.

(पुढील १-२ दिवसांत शेतकऱ्यांना ऑनलाईन लिलाव लाईव्ह पाहण्याची सुविधा उपलब्ध होणार.)

🎤 संघटनेचा संदेश :

“हा विजय केवळ एका व्यक्तीचा नाही, तर सर्व शेतकरी बांधवांच्या एकजुटीचा आणि सातत्यपूर्ण लढ्याचा परिणाम आहे. मेहनत व चिकाटी मुळे शेवटी आमच्या मागण्या मान्य झाल्या. ही आपल्या हक्काच्या लढ्याची जिंकलो आहे.”

🙏💐

हा निर्णय म्हणजे शेतकऱ्यांच्या चिकाटीचे व एकजुटीचे फळ आहे. महाराष्ट्र केळी उत्पादक संघाचे नेतृत्व करणारे मा. राहुल बच्छाव यांचा या लढ्यातील सहभाग महाराष्ट्र शेतकऱ्यांसाठी महत्त्वपूर्ण ठरणार आहे. आता या निर्णयाचा थेट फायदा केळी उत्पादक शेतकऱ्यांना होणार आहे.