🕯️ शेवगावातील जेष्ठ वृत्तपत्र विक्रेते घनश्याम पुरोहित यांचे दुःखद निधन

🕯️ शेवगावातील जेष्ठ वृत्तपत्र विक्रेते घनश्याम पुरोहित यांचे दुःखद निधन

शांत, मनमिळाऊ व्यक्तिमत्त्व हरपले; शहरातून हळहळ व्यक्त

शेवगाव | प्रतिनिधी

शेवगाव शहरातील ज्येष्ठ व प्रसिद्ध वृत्तपत्र विक्रेते घनश्याम किसनलाल पुरोहित (वय ६८) यांचे अल्पशा आजाराने रविवार दिनांक ४ जानेवारी २०२६ रोजी दुःखद निधन झाले. त्यांच्या निधनामुळे शेवगाव शहरातील पत्रकार, वाचकवर्ग व नागरिकांमध्ये तीव्र हळहळ व्यक्त होत आहे.

शेवगाव येथील मारवाडी गल्ली भागात वास्तव्यास असलेले घनश्याम पुरोहित हे गेल्या अनेक वर्षांपासून वृत्तपत्र वितरणाच्या माध्यमातून समाजाशी प्रामाणिक नाते जपणारे व्यक्तिमत्त्व म्हणून परिचित होते. शांत स्वभाव, मनमिळाऊ व धार्मिक वृत्तीमुळे ते सर्वांनाच प्रिय होते.

त्यांच्या पश्चात पत्नी, एक मुलगा, एक मुलगी, तीन भाऊ, बहिणी, पुतणे व नातवंडे असा मोठा परिवार आहे.

ते शेवगाव येथील ज्येष्ठ पत्रकार श्याम पुरोहित यांचे लहान बंधू होत. तसेच जालना येथील एस.आर.जे. स्टील कंपनीचे अहिल्यानगर एरिया सेल्स मॅनेजर अविनाश पुरोहित यांचे ते वडील होत.

घनश्याम पुरोहित यांच्या निधनाने केवळ एक वृत्तपत्र विक्रेता नव्हे, तर समाजाशी नाळ जोडून ठेवणारा एक साधा, सज्जन माणूस हरपल्याची भावना नागरिक व्यक्त करीत आहेत.

परमेश्वर त्यांच्या आत्म्यास चिरशांती देवो व कुटुंबीयांना या दुःखातून सावरण्याची शक्ती देवो, हीच भावपूर्ण प्रार्थना.नेवासा तालुका दक्ष पत्रकार संघ भावपूर्ण श्रद्धांजली 🙏

✍️ अविनाश देशमुख, शेवगाव

पत्रकार | खबरनामा न्यूज पोर्टल