🌾 महाराष्ट्रातील शेतकऱ्यांसाठी दिलासादायक निर्णय! ई-पीक पाहणीसाठी 30 सप्टेंबरपर्यंत मुदतवा

🌾 महाराष्ट्रातील शेतकऱ्यांसाठी दिलासादायक निर्णय!

ई-पीक पाहणीसाठी 30 सप्टेंबरपर्यंत मुदतवाढ

खबरनामा न्यूजचे संपादक नरेंद्र पाटील काळे यांच्या मागणीला यश; राज्य सरकारकडून खरीप हंगाम 2025 साठी दिलासा ‘

नेवासा प्रतिनिधी: महाराष्ट्रातील शेतकऱ्यांसाठी दिलासादायक बातमी समोर आली आहे. खरीप हंगाम 2025 अंतर्गत ई-पीक पाहणीसाठी राज्य सरकारने पुन्हा एकदा मुदतवाढ जाहीर केली आहे. आता शेतकऱ्यांना 30 सप्टेंबर 2025 पर्यंत ई-पीक पाहणी करण्याची संधी मिळणार आहे.

आतापर्यंत राज्यातील 81.04 लाख हेक्टर क्षेत्रावरील पिकांची नोंद झाली असून, हे एकूण लागवड क्षेत्राच्या 47.89% एवढे आहे. मात्र सर्व्हर डाऊन होणे आणि तांत्रिक अडचणींमुळे अनेक शेतकरी ई-पीक पाहणी करू शकले नाहीत.

👉 या पार्श्वभूमीवर खबरनामा न्यूजचे संपादक नरेंद्र पाटील काळे यांनी शासनाकडे ई-पीक पाहणी व नोंदणीसाठी मुदतवाढ द्यावी अशी मागणी केली होती. या मागणीला अखेर यश मिळाले असून राज्य शासनाने शेतकऱ्यांसाठी मुदत 30 सप्टेंबरपर्यंत वाढवण्याचा निर्णय घेतला आहे.

छत्रपती संभाजीनगर विभागीय आयुक्तांनीही या मुदतवाढीची शिफारस केली होती. काल (18 सप्टेंबर) मुख्य सचिवांच्या अध्यक्षतेखाली झालेल्या महत्त्वपूर्ण बैठकीत हा निर्णय घेण्यात आला.

ई-पीक पाहणी अॅपद्वारे पिकांची नोंदणी सुलभ व्हावी म्हणून अ‍ॅग्रीस्टॅक योजनेअंतर्गत प्रत्येक जिल्ह्यात पीक पाहणी सहाय्यकांची नियुक्ती करण्यात आली आहे. शासनाच्या या निर्णयाचे शेतकऱ्यांकडून स्वागत होत असून, अद्याप नोंदणी न केलेल्या शेतकऱ्यांसाठी ही मोठी संधी ठरणार आहे.