📰 खबरनामा न्यूज | वाकडी (ता. नेवासा) शिवपार्वती विवाह सोहळ्याने वाकडीत भक्तिमय वातावरण – रामनवमी निमित्त भव्य कथा समारंभ उत्साहात संपन्न

📰 खबरनामा न्यूज | वाकडी (ता. नेवासा)

शिवपार्वती विवाह सोहळ्याने वाकडीत भक्तिमय वातावरण – रामनवमी निमित्त भव्य कथा समारंभ उत्साहात संपन्न

स्वामी अमृतानंद सरस्वती माताजींच्या अमृततुल्य वाणीतून शिव-पार्वती विवाहाचे सुंदर वर्णन; पंचक्रोशीतील भाविकांची उत्स्फूर्त उपस्थिती

नेवासा प्रतिनिधी:- वाकडी येथील श्री राम मंदिर प्रांगणात रामनवमी निमित्त आयोजित भविष्य महापुराण कथा भावार्थ रामायण बारा सोहळा 2026 अंतर्गत शिव-पार्वती विवाह सोहळा मोठ्या भक्तिभावात आणि उत्साहात संपन्न झाला. या कार्यक्रमात कथाकार स्वामी अमृतानंद सरस्वती माता यांच्या अमृततुल्य वाणीतून सादर झालेल्या कथेमुळे संपूर्ण परिसर भक्तिमय वातावरणाने भारावून गेला.

या भव्य दिव्य सोहळ्याचे आयोजन ह.भ.प. गणेश महाराज काळे यांच्या मार्गदर्शनाखाली करण्यात आले होते. पंचक्रोशीतील असंख्य भाविक भक्तांनी या सोहळ्यास उपस्थिती लावून शिव-पार्वती विवाहाचा अद्भुत अनुभव घेतला.

कार्यक्रमादरम्यान भजनी मंडळींच्या मृदुंग-तालाच्या गजरात, मंगलाष्टकांच्या उच्चारात आणि हरिनामाच्या जयघोषात वातावरण भारावून गेले होते. माताजींनी शिव-पार्वती विवाहाचे अत्यंत सुंदर आणि भावपूर्ण वर्णन केल्याने उपस्थित भाविक मंत्रमुग्ध झाले.

या प्रसंगी अन्नदानाचे आयोजन करण्याचे आवाहन गणेश महाराज काळे यांनी केले होते. त्यास उत्स्फूर्त प्रतिसाद देत नरेंद्र पाटील काळे यांनी स्वर्गीय वारणाथ विश्वनाथ काळे यांच्या स्मरणार्थ अन्नदान करून सामाजिक बांधिलकी जपली.

याशिवाय, या कार्यक्रमासाठी उत्कृष्ट ध्वनीव्यवस्थेची (साऊंड सिस्टिम) सुंदर मांडणी कुलस्वामिनी जगदंबा मंडप साऊंड सिस्टिम चे संचालक प्रवीण काळे यांनी केली होती. त्यांच्या या व्यवस्थेमुळे संपूर्ण कार्यक्रम अधिक प्रभावी आणि श्रवणीय झाला.

विवाह सोहळा विधिवत पूजा, कन्यादान आणि मंगलाष्टकांच्या गजरात पार पडला. विशेष म्हणजे या सोहळ्यास महिलांची मोठ्या प्रमाणात उपस्थिती लाभली, ज्यामुळे कार्यक्रम अधिक रंगतदार झाला.

आरतीचा मान श्री महेश काळे सर यांच्या धर्मपत्नी व नरेंद्र पाटील काळे यांच्या धर्मपत्नी यांनी संयुक्तरित्या पार पाडला.य कार्यक्रमास गावातील सर्व प्रतिष्ठित नागरिक, पदाधिकारी आणि भाविक मोठ्या संख्येने उपस्थित होते. कार्यक्रमाचे उत्कृष्ट नियोजन आणि प्रभावी सूत्रसंचालन ह.भ.प. गणेश महाराज काळे यांनी केले.

👉 एकूणच, वाकडी येथील राम मंदिरात पार पडलेला शिव-पार्वती विवाह सोहळा हा भक्ती, संस्कृती आणि सामाजिक एकोप्याचा सुंदर संगम ठरला.यावेळी उपस्थित भाऊसाहेब पाटील काळे तसेच उपसरपंच बंडू उर्फ तुकाराम गायकवाड तसेच काळे पाटील परिवार,कारले पाटील परिवार,जाधव पाटील परिवार,गायकवाड पाटील परिवार,किसनगिरी बाबा भक्त मंडळ,विजय हनुमान गोशाळा कमिटी,हनुमान भजनी मंडळ वाकडी, कराळे पाटील परिवार तसेच वाकडी पंचक्रोशीतील ग्रामस्थ या कथेच्या प्रसंगी उपस्थित होते

👇👇या ठिकाणी खबरनामा यूट्यूब चैनल वर सविस्तर बातमी पहा खाली दिलेल्या व्हिडिओमध्ये लाल बटन वर बोट ठेवून आपण हा वृत्तांत पाहू शकता

👇👇👇