🌉अहिल्यानगर–संभाजीनगर महामार्ग दुरुस्तीला गती! कर्तव्यदक्ष आमदार विठ्ठलराव लंघे यांच्या पाठपुराव्याला यश

अहिल्यानगर–संभाजीनगर महामार्ग दुरुस्तीला गती!

कर्तव्यदक्ष आमदार विठ्ठलराव लंघे यांच्या पाठपुराव्याला यश

मुंबई :

अहिल्यानगर–छत्रपती संभाजीनगर महामार्गावरील वडाळा–छत्रपती संभाजी नगर मार्गाची झालेली दुरवस्था लक्षात घेऊन आमदार विठ्ठलराव लंघे यांनी आज मुंबई येथे सार्वजनिक बांधकाम मंत्री शिवेंद्रराजे भोसले यांच्याशी सविस्तर चर्चा व संवाद साधला.

यावेळी भारतीय जनता पार्टीचे जिल्हाध्यक्ष नितीन दिनकर संवादाच्या वेळी उपस्थित होते, तसेच संगमनेरचे आमदार अमोल खताळ साहेब हेही उपस्थित होते.

खताळ साहेबांनीही आपल्या मतदारसंघातील रस्त्यांच्या आणि पायाभूत सुविधांच्या प्रश्नांची माहिती बांधकाम मंत्र्यांना दिली. लवकरच त्या कामांनाही गती मिळेल असे संकेत प्राप्त झाल्याची माहिती आमच्या “खबरनामा न्यूज” वृत्तसंस्थेला दूरध्वनीवरून त्यांनी दिली.

आमदार लंघे यांनी महामार्गावरील खड्डे, वाहतूक अडचणी, अपघातांची वाढ आणि नागरिकांच्या गैरसोयींचा विषय ठळकपणे मांडत त्वरित दुरुस्तीचे निवेदन सादर केले.

या चर्चेनंतर सार्वजनिक बांधकाम मंत्र्यांनी तातडीने आदेश जारी करत रस्त्याच्या दुरुस्तीला मंजुरी दिली आहे.

लवकरच अहिल्यानगर–छत्रपती संभाजी नगर हायवेवरील दुरुस्तीची कामे सुरू होणार असून प्रवाशांना दिलासा मिळणार आहे.

आमदार लंघे यांच्या सातत्यपूर्ण पाठपुराव्यामुळे आणि लोकहितासाठी घेतलेल्या लढ्याला अखेर यश मिळाले आहे. नागरिकांनी या निर्णयाचे स्वागत केले आहे.

🛣️ “रस्ते दुरुस्त करणे ही सरकारची जबाबदारी, आणि त्यासाठी आवाज उठवणे हे जनतेचा प्रतिनिधी म्हणून माझे कर्तव्य आहे,” — आमदार विठ्ठलराव लंघे

नेवासा, अहिल्यानगर

तसेच, आमदार विठ्ठलराव लंघे यांनी काल मंत्रालयात विविध विभागांतील मंत्र्यांशी नेवासा तालुक्याच्या विकासकामांबाबत विशेष चर्चा केली.

रस्ते, पाणीपुरवठा, आरोग्य व शेतीविषयक अनेक प्रलंबित प्रस्तावांवर त्यांनी निवेदने सादर केली असून, लवकरच नेवासा तालुक्यासाठी मोठ्या प्रमाणावर निधी मंजूर होणार असल्याची माहितीही त्यांनी दिली.

🖊️ वार्ताहर – नरेंद्र पाटील काळे, नेवासा

खबरनामा न्यूज नेटवर्क