अहिल्यानगर पोलीस भरतीचा बिगुल वाजला; ७३ जागांसाठी ४,१४८ उमेदवारांची ११ फेब्रुवारीपासून मैदानी चाचणी
७३ रिक्त पदांसाठी ४,१४८ उमेदवारांचे भवितव्य मैदानात
अहिल्यानगर पोलीस भरतीचा बिगुल वाजला; ७३ जागांसाठी ४,१४८ उमेदवारांची ११ फेब्रुवारीपासून मैदानी चाचणी
७३ रिक्त पदांसाठी ४,१४८ उमेदवारांचे भवितव्य मैदानात
अहिल्यानगर:
अहिल्यानगर जिल्हा पोलीस दलामध्ये पोलीस शिपाई *भरती सन २०२४-२०२५ ची* प्रक्रिया सध्या सुरू आहे. या भरती अंतर्गत होणारी मैदानी *चाचणी दिनांक* *११/०२/२०२६ ते १४/०२/२०२६ या* कालावधीत पार पडणार असल्याची माहिती पोलीस अधीक्षक कार्यालयाने प्रसिद्ध पत्रकाद्वारे दिली आहे.
अर्जदारांची सांख्यिकीय माहिती
पोलीस शिपाई संवर्गातील *एकूण ७३ रिक्त पदांसाठी* ही भरती प्रक्रिया राबवली जात आहे. या पदांसाठी *२८/१०/२०२५ ते ०७/१२/२०२५* या मुदतीत अर्ज मागवण्यात आले होते. प्राप्त झालेल्या अर्जांची सविस्तर माहिती खालीलप्रमाणे आहे:
*एकूण अर्जांची संख्या: ४,१४८
*पुरुष उमेदवार: ३,३३६*
*महिला उमेदवार: ८१२*
*माजी सैनिक उमेदवार: १४२*
उच्चशिक्षितांचा पोलीस दलाकडे ओढा
पोलीस भरतीसाठी किमान पात्रता १२ वी उत्तीर्ण असली तरी, मोठ्या प्रमाणात उच्चशिक्षित तरुणांनी अर्ज केले आहेत.
*पदवीधर उमेदवार* *(Graduation):* एकूण १,४०९ उमेदवारांनी अर्ज केले असून यामध्ये बी.ए. (५७०), बी.एस्सी. (३२३), बी.कॉम. (२१९), बी.सी.एस. (४५), आणि बी.ई. (३५) या पदवीधरांचा प्रामुख्याने समावेश आहे.
पदव्युत्तर उमेदवार (Post Graduation): एकूण २०८ उमेदवारांनी अर्ज केले आहेत. यामध्ये एम.ए. (८७), एम.एस्सी. (५०), एम.कॉम. (३५) आणि एम.बी.ए. (९) या उमेदवारांचा समावेश आहे.
याव्यतिरिक्त बी.फार्मा, एल.एल.बी., बी.टेक आणि हॉटेल मॅनेजमेंट यांसारख्या व्यावसायिक पदव्या असलेल्या उमेदवारांनीही पोलीस भरतीसाठी अर्ज सादर केले आहेत.
मैदानी चाचणीचे स्वरूप आणि ठिकाण
ही मैदानी चाचणी पोलीस मुख्यालय, अहिल्यानगर येथे होणार असून त्यात एकूण ३ *प्रकारांचा समावेश असेल:*
१. पुरुष उमेदवारांसाठी: १६०० मीटर धावणे, १०० मीटर धावणे आणि गोळा फेक.
२. महिला उमेदवारांसाठी: ८०० मीटर धावणे, १०० मीटर धावणे आणि गोळा फेक.
*भरती प्रक्रिया समिती आणि सुरक्षा*
भरती प्रक्रिया पारदर्शक पार पाडण्यासाठी पोलीस अधीक्षक यांच्या अध्यक्षतेखाली समिती गठित करण्यात आली आहे. यामध्ये अल्पसंख्यांक समाज अधिकारी, जिल्हा महिला व बालविकास अधिकारी, समाज कल्याण अधिकारी, आदिवासी विकास अधिकारी आणि जिल्हा सैनिक कल्याण अधिकारी यांचा सदस्य म्हणून समावेश आहे.
चोख बंदोबस्त:
भरती दरम्यान कोणताही अनुचित प्रकार घडू नये यासाठी ४५ अधिकारी, ३५० अंमलदार, ३० जिल्हा लिपिक कर्मचारी आणि वैद्यकीय पथक तैनात असणार आहे. तसेच पारदर्शकतेसाठी लाचलुचपत प्रतिबंधक विभाग आणि राज्य गुप्तवार्ता विभाग यांनाही पाचारण करण्यात आले आहे.
*बातमी: खबरनामा न्यूज*
